Janice Man 成功在o靚界殺出血路上位，近日約滿模特兒公司的她，即時成為娛樂商的爭奪對象。《忽然1 周》圖片
o靚模大軍近年崛起，這股娛圈新勢力已由天橋踩過界躍登舞台及大銀幕。獲大批宅男熱捧的20 歲o靚界icon 文詠珊（Janice Man ），下月與模特兒公司合約屆滿，三大娛樂商紅館、寰宇及星皓均吼實這塊肥豬肉，各自出招搶人，豈料昨日突然殺出黎明這個程咬金，揚言有意與Janice Man 簽約，攔路硬搶賣身契。
黎明昨日出席海洋公園活動時心情大好，直認有意將文詠珊羅致旗下。
年紀輕輕的文詠珊締造了o靚界女模神話，6 年前14 歲的她與鄒世龍的StarzPeople 模特兒公司簽下6 年經理人合約，箍牙兩年後變臉重生，05 年甫出道即成為矚目o靚模，融合日系及MK 文化的她獲大批o靚仔追捧，與勁敵楊穎（Angelababy ）平起平坐，齊登o靚界女神寶座。
專注幕後栽培新人
下月文詠珊將約滿Starz People ，但早前有傳她態度囂爆，接job 失場兼遲到，又傳其父肥水不流別人田，密謀父女檔自組公司銀，續約一拖再拖，致StarzPeople 怒掟她入雪櫃。據悉Janice Man 被雪藏後，坐擁大批宅男fans 的她仍不愁冇得撈，正好趁這段冷凍期搵新碼頭，雖然她偕父爐灶未起已被踢爆，但文媽媽隨即頂上，儼如經理人般親自為女兒傾約，斟洽對象包括寰宇、星皓及紅館三間娛樂商巨頭。
近年專注幕後的黎明，早已發現圈中20 餘歲的女星斷層多時，加上旗下的衞詩唔生性，因藏毒被逐出娛樂圈，倒不如栽培新丁，文詠珊正合他心水。黎明昨日在海洋公園出席宣傳活動時說：「我有留意文詠珊，佢除咗模特兒工作外，應該仲有其他發展空間，我都會睇吓同佢有冇空間合作，加上佢好似同公司就快滿約，我覺得佢好有潛質喺其他方面發展，唱歌方面就未傾到，但係我哋經理人公司唔係淨係做歌手，仲有電影同其他工作。」
文詠珊（Janice Man ）
年齡：20 歲 三圍：32 、23 、34.5
經理人公司：Starz People
