台灣「童顏巨乳」瑤瑤（郭書瑤），憑online game 廣告贏盡人氣，原來大陸都有個「爆乳版小喬」，佢叫張馨予，因為拍咗個《赤壁》online game 廣告，成為國產宅男夢中情人，林志玲都唔夠佢索。
姓名：張馨予（Viann ）
花名：燕子
出生日期：1987 年3 月28 日（22 歲）
身高：169cm
體重：49kg
籍貫：江蘇蘇州
三圍：35F 24 34
爆乳小喬廣告
上個月，張馨予所拍嘅《赤壁銅雀台》online game 廣告出街後，國產宅男簡直陷入瘋狂，因為張馨予所扮演嘅小喬，件件衫都好似紙咁薄，加上領口特低，令張馨予35F 雙峰完全表露無遺。
被封為「爆乳版小喬」唔夠一陣，張馨予另一個代言嘅online game 《穿越火綫》廣告又出街，造型上唔再側重F 級身材，將視線轉移到四十二吋長腿之上，效果一樣咁索。
又高又瘦又靚個胸又大，有關張馨予嘅整容傳聞愈來愈多，為咗澄清冇件咁嘅事，除咗响私家blog 內上載童年照片以正視聽，更以「整沒整過真的那麼重要嗎？」為題自辯：「從小到大我都沒有在臉上動過半刀，要動我母親也不會同意的，所以我用人格保證，我沒有整過容。」係咩？
圖片說明話：閑情逸趣，粉飾不了憂國之心。小喬著住bikini top 憂國憂民，小心冷親。
小喬為保國土，以F 奶加長腿色誘曹操，又難怪俾人話係「風月版赤壁」。
張馨予話自己唔介意挑戰性感極限，因為佢熱愛工作，再少啲布都冇問題。
張馨予今個月又有新online game 廣告見街，今次唔賣巨乳，轉玩長腿野性味。
