o靚模界內，邦民女Kama （羅凱珊）最近的確新聞多人氣旺，先嚟跟o靚模阿姐級的Angelababy 爭飯碗，行騷時扮喊搏宣傳，一星期不夠，她的助手又跟張文慈爭櫈坐，總之鑊鑊新鮮鑊鑊甘，像股票先勁升後狂插，難怪她嘆氣說︰「從來不覺有好嘢發生在我身上。」
其實好難怪人，尤其知道Kama 是靠自薦入行，到日本發展又是自己主動爭取，十九歲如此力爭上游，同期模特兒點都忌她三分。正如她自己話齋︰「我性格心急，做事又無計劃。」到頭來弄得一團糟，聲名狼藉。
顧此失彼的Kama ，前路注定難行，目前搵錢成為她的主要動力，「Janice Man 一年都搵三百萬啦，我目標賺夠三百萬現金就轉行。」究竟是toosimple 定always naive ？
屎橋
橋唔怕舊最緊要受，猶記得Kama 出道不久，忽然爆出她跟李心潔的未婚夫、做導演的彭順拖手到酒店爆房半小時，終於成功登上雜誌封面。先不講形象，她只是輕描淡寫幾句，「我自己唔知，亦都唔會回應，有咩就問我經理人公司啦！」回應得模稜兩可，但又可以出位，真係不能小覷model 仔的伎倆。
到事件告一段落，她的工作又再驟減，淪為紙上明星。為生計，唯有瞓身行性感增知名度，雖只有33B 身材，但勝在肯搏肯露，穿比堅尼做商場騷，影內衣及三點式肉照，沒有刁僑扭擰，最緊要有錢落袋。「我無唔慣，收錢咪開心囉，我無野心，你哋話影咪影。」為了八千元酬勞，她不惜穿比堅尼被人眼，尷尬？值幾錢？「香港人認為性感就係cheap ，唔係啩？係啲人諗得cheap 啫，同場的周秀娜都著啦，講到底都係一份工啫。」
靠賣肉彈出的Kama ，做訪問時卻吊高來賣，事前聲明不露腰不著bra top ，豈不是倒米？「其實都俾好多（肉）你影，我唔想俾人認為我cheap ，內衣泳衣騷我會接，但唔好行商場囉。」說穿了是她將在今年書展出泳衣寫真集，都係嗰句，有錢有得傾。
是否開口夾着脷惹來圍剿不得而知，Kama 有進取心就係人都知。學生時已逐間模特兒公司自薦，想發明星夢，「阿媽成日話我靚女，咁見到Baby 同JaniceMan 都得，我都不妨一試啦。」
成功入行後，她又照辦煮碗，上網找日本模特兒公司，「公司搵啲我唔鍾意，不如自己搵啲大間又出名。公司仲讚我聰明，其實我都幾醒目。」她所指的醒目，應該包括她很合作地跟傳媒「夾」新聞。去年底滙豐大跌，有報導她以七十三元入了三手，實情是她從未買過大笨象，「我先無咁傻買滙豐，但傳媒一開始都寫咗，由佢哋繼續寫囉。」有新聞性記者又有貨交，一家便宜兩家着。
○六年她的邦民女廣告，為她打開娛路。
問她點解叫Kama ？「我想搵個簽名靚啲嘅英文名。」
羅母睇到女兒的負面新聞，完全冇介意，還說：「寫得算係好啦。」
她自言不想做歌手，「因為要俾錢學唱歌，有人出錢就無妨。」
