我哋冇霸佢個位。真實對白
當日好耐冇搞作嘅亞視搞咗壇叫《飲食天王頒獎典禮2009 》，仲請咗班o靚模包括Kama 、諸葛梓岐同動漫Maggie （李曼筠）做頒獎嘉賓洗吓啲霉氣，Kama 仲有份上台唱歌孭飛，咁就中招嘞！第二日報紙就報道話Kama 個女助手霸咗亞視一姐個位坐，其間張文慈要求Kama 叫佢助手坐番自己個位，但Kama 借咗聾二陳對耳，最後要勞煩公關擾攘咗十幾分鐘，Kama 嘅助手先肯讓位，就連在場嘉賓袁彌明亦話睇唔過眼，怪責Kama 「亂咁坐」。
唔知點解佢助手坐咗落去又唔起身！真實對白
佢一嚟就亂咁坐！真實對白
應學識尊重別人！真實對白
第二日，FBI 再打電話畀張文慈，一姐依然死話係Kama 唔啱：「我企咗一段時間㗎，公關請咗佢（Kama 助手）兩三次先走，如果佢（Kama ）識尊重別人，又咁靚女前途無限啦。不過報紙話我嬲到走，其實係冷氣太勁，頭痛咪入後台坐吓囉。」而Kama 亦大叫冤枉：「公關話我坐得太開，叫我哋坐埋一齊鏡頭先take 到我同Pinky 啫，我哋冇霸佢個位。」過江龍唔及地頭蟲，人哋係亞視一姐，後生女要識敬老。
諸葛梓岐、袁彌明同亞視一姐張文慈都係同一槍頭，針對Kama 唔識世界，縱容女助手坐錯位，睇嚟Kama 呢期真係上咗位，唔係邊有咁多人畀面插爆你呢？
錯位黑面
Kama 帶埋女助手坐埋同枱但其實Kama 當時懵盛盛坐錯位，佢嘅座位應該係坐喺張文慈隔籬，而張文慈一眼睄到，即時黑面，諗計仔等待發圍。
踢走助手
Kama 堅持想女助手喺旁邊照顧，張文慈即同公關講助手唔應該坐呢枱，要Kama 坐番原位。
女嘉賓中只得Kama 有機會上台又跳又唱，難怪佢瀨嘢。Kama 事前講明怕走音所以咪嘴：「我唔係歌手，唱得唔好會失禮人。」亞視公關則解釋搵Kama 唱歌只係想氣氛熱鬧啲，冇諗過搵其他o靚模喎。
玩失蹤
執好位，張文慈同Kama 依然冇偈傾，Kama 更因要做訪問同埋入後台準備唱歌而行開，留低空凳（箭嘴）一張。
踩多腳
上星期五（17 日）熊黛林出席活動時被問到知唔知Kama 因為霸咗張文慈個位而激嬲人。佢笑晒口話：「咁佢（Kama ）都幾罕有。」
