Rainbow 沙灘狂引餓狼
能夠一夜成名，係萬千少女嘅夢想。
17 歲美少女廚神胡心諾（Rainbow ），自傳出方力申「狼溝」緋聞後即時上位。事後小方除否認追求Rainbow 外，還力證是女方主動攞電話，並表明再見亦會保持距離。但成功走出廚房嘅Rainbow ，無因小方暗寸言論影響心情，上周六（11 日）更趁復活節假期，約埋兩位好友到沙灘晒太陽，其間引來一班餓狼搭訕兼死纏一粒鐘，而Rainbow 對沙灘餓狼則無動於衷。
梗係啦，冇方力申咁上下質素，Rainbow 又點會睇得上眼！
正面身為美少女廚神嘅Rainbow ，上周六（11 日）相約「廚房妹」E-cup Lavina （左）及o靚模Monique （右）到石澳晒太陽。當日三位穿三點式美少女喺沙灘玩波嬉水時，一直企喺佢哋附近嘅猛男，不停實Rainbow ，食盡冰淇淋。
憑方力申而人氣急升的Rainbow ，雖然知名度大增，但生活沒有大改變，記者於上周六（11 日）下午，發現她與兩位好姊妹Lavina 同Monique ，趁住復活節假期陽光普照，即相約去石澳曬太陽兼嬉水。
當日中午十二時，Rainbow 先約兩位好姊妹到筲箕灣地鐵站，然後再乘小巴直踩入石澳。話晒都係新鮮出爐嘅上位美少女廚神，但Rainbow 出入繼續玩平民。
去到沙灘三人先往租沙灘椅及太陽傘，隨即到更衣室換上三點式泳衣，三位變身後立即成為全場焦點，有男士認出其中一位是Rainbow ，即死跟狂。
一心享受陽光浴的她們，在沙灘去到邊都有男士注目，搞到周身唔自在，加上引來一班餓狼搭訕，所以太陽只係曬咗一粒鐘，都要速速返歸。事後聯絡上Rainbow ，問番佢於沙灘遇上餓狼一事，「其實次次游水都會俾人望住晒，都唔關上唔上位事。不過，今次係第一次遇到班咁大膽嘅男仔，搞到我哋都有啲驚。（仲敢唔敢去沙灘？）我本身好鍾意曬太陽，以後都會繼續去沙灘，不過就會約埋啲男性朋友，希望佢哋幫手做保鑣。」之後記者訪問方力申，一提到Rainbow 名字，他即面色大變，猛耍手擰頭：「唔講，唔講，唔再提呢個人。」顯得相當避忌。
唔好再提呢個人。（真實對白）
只得17 歲嘅Rainbow 同方力申結緣於《美女廚房》第一集，之後兩人因交換電話號碼互send 短訊而傳緋聞。事後方力申自言今次係誤中緋聞圈套，但至少造就一顆新星誕生，咪當做善事。
低炒玩波玩到攰，三位美少女返回沙灘椅坐低唞唞，其間Rainbow 攞出手機同死黨玩自拍，佢哋掛住影，都唔知身邊有一赤膊男子「低炒」狂。
口花花靚女，等我哋請你食嘢！（真實對白）
你整容㗎，個胸咁大？（真實對白）
之後三位美少女去士多買雪糕，而剛才「低炒」狂Rainbow 嘅赤膊男子則聯同另一白衫男死跟，邊狂邊話要請佢哋食嘢。但三人沒有理會。
死跟同我講吓嘢啦！（真實對白）
買完甜筒雪條，三位美少女邊行邊食，但白衫男咬住唔放，一味死跟，仲不停撩三人講嘢，「係咪驚俾人綁架啫？同我講吓嘢啦。」可惜三位美少女愈叫愈走，搞到白衫男子極之無癮。
三位美少女返回海灘曬太陽，而剛才死跟的白衫男和赤膊男亦回到自己陣營，並聯同其他男友人離遠狂。
出言侮辱做乜唔答，我俾五百蚊你哋答一條問題。（真實對白）
最後幾位餓狼忍不住採取行動，將基地移至三位美少女旁邊，猛問三位美少女攞電話號碼，不過三人一於少理，當佢哋發噏風，其中一個男子使出金錢誘惑，追問三人「做乜唔答，我俾五百蚊你哋答一條問題。」美少女繼續唔睬，白衫男子無癮向Monique （左一）發難，「你整容㗎，個胸咁大？」三人聞言後即時離去，免和他們糾纏。
有「翻版林志玲」稱號的Rainbow ，幾年前電了一頭曲髮，驟眼睇有幾分似母憑女貴嘅大劉助手甘比。
拍拖7 日完Rainbow 出位後有人爆其情史，自言只有三次拍拖紀錄的她，近日被人將她與第三任男友的親密照放在網上，更爆兩人拍拖七日就玩完。Rainbow 承認相中人是其男友，年初在朋友介紹下認識。但拍拖兩日，對方才告之要返外國讀書。「我唔想玩異地情，所以段感情只維持咗7 日，到佢返加拿大讀書嗰日就正式分手。我無傷心，因為都未係好投入，況且佢要走都留唔住，依家佢都有新女友，我就未搵到。」
