我都要攬吓！(真實對白)
合十擋︰輪到狼人二號，賈曉晨轉姿勢扮合十頂開梁炳隻手。
靠「美少女廚神」起朵嘅JJ 賈曉晨，上週二（7 日）回歸《美女廚房》做嘉賓。上一代美女廚神現身，男主持鄭中基、梁漢文同方力申當然唔蝕底，乘機親近吓呢位女神啦！打頭陣有鄭中基一支箭標去賈曉晨度叫人畀佢攬一攬：「畀我攬吓先！」賈曉晨「吖」咗一聲後梁漢文又殺到，「我都要攬吓！」最後到方力申：「佢哋攬晒，到我喇……」任人魚肉完，賈曉晨仲要示範用高潮眼啜乒乓波先可以正式入廚房煮嘢食！
高潮眼
JJ 喺《獎門人》表演過高潮眼啜乒乓成為經典，三狼唔執輸叫JJ 再示範，隔籬嘅梁炳睇到直頭想隊個嘴埋去啜埋一份。
攬吓先！(真實對白)
吖！(真實對白)
右手護︰見到狼人一號鄭中基，賈曉晨醒目用右手護胸。
佢哋攬晒，我都要攬！(真實對白)
交叉手︰最後到狼人三小方，賈曉晨再嚟一招交叉雙手，力保不失！
倒瀉籮蟹
身為上屆美少女廚神嘅JJ ，煮田雞時雞手鴨腳，仲一路煮一路同隻田雞講：「唔好怪我呀！你下世投胎唔好再做青蛙喇！（應該係田雞！）」最後輸咗畀同樣驚青嘅徐子珊（右）！
FBI 見到JJ 賈曉晨疑似被抽水，全程係咁用手護胸，想喊想喊咁，事後FBI 打電話想安慰吓佢啦，點知佢忽然失憶，「吓，我唔記得有件咁嘅事喎！我當時掛住比賽太緊張喇，煮飯又搞到倒瀉籮蟹，唔覺有人抽我水喎！」JJ 賈曉晨之前因為寸港女而被網民喪插，唔想重蹈覆轍得罪人，扮失憶都啱嘅。
