隨着Laughing 哥熱潮退去，網絡界一時間少咗個話題，無論傅穎嘅「全走音」、屯門普高嘅「無間道」，都未能填補網民心靈上嘅空虛。好彩最近有網友上載咗條01 年9 月無綫節目《都市閒情》嘅歌唱環節「鬥戲連唱鬥一番」片段，嗰位叫阿信嘅參賽者深情演繹林曉培首《娃娃愛天下》，片段上載YouTube 一個禮拜，點擊次數已經衝破30 萬，成為呢個月本地點擊No.1 ，有人仲喺Facebook 設立「娃娃」群組，好多網民中晒「娃娃毒」，唔睇過真係瞓唔着。
阿信呢招單膊搖擺，唔係人人做到㗎。 江華（左）教阿信講嘢、面對鏡頭同待人接物，都應該抬高個頭。
