真係估唔到香港真係有一D咁既女人,仲話係諸葛後代
3 萬蚊港女黎潔瑩講錯一句即俾全城電車仔狂插，估唔到最近同Neway 二少薛嘉麟拍拖嘅o靚模諸葛梓岐，仲唔知死公主病上身亂噏嘢。
話說諸葛公主上星期喺有線節目《玩轉姻玄路》時真情流露話自己「唔搭港鐵」兼「男朋友可以冇，但工人一定要有」偉論一出街，成班網友O 晒嘴。
不過諸葛梓岐叫得公主點會咁簡單，她接受本刊訪問時更豪稱每10 個港人就有4 個住的平民屋邨唔啱佢住：「我工人都住咁大間房，唔通叫我住屋邨咩！」又堅拒迫港鐵搭巴士：「搭巴士好易翻車㗎！」擺明公主症超危殆，馬死唔會落地行，薛二少，辛苦晒喎！
現在以3 萬月租北角半山千多呎雲景臺單位的諸葛，兩房兩廳，和工人各佔一間房，她說在香港只會考慮半山豪宅，唔夠一千呎的單位都唔啱佢住：「我鍾意樓底高啲、有啲外國feel 囉，鶽家工人房都有成百幾二百呎啦，唔通叫我住屋邨咩！」
諸葛公主住要豪，買嘢當然唔慳得：「我淨係去ifc 、連卡佛，我最鍾意Chanel 、Prada 同Bottega Veneta 囉。旺角啲嘢唔啱我，幾乎冇去過，都唔知去嗰啲地方做乜！深水埗？係咪食燒鵝㗎？」食燒鵝嘅喺深井囉。
講到食，諸葛公主一樣有偉論：「出街食嘢都係ifc 啦，啲friend約去第二度咪去囉。茶餐廳？鏞記同翠華囉，大家樂？機場嗰間都有食過嘅，出面少喇，唔通同人排隊咩！」名人飯堂等同茶餐廳？鏞記多得你唔少囉。
港鐵客粗魯
公主出巡，當然唔會同小市民迫巴士，所以佢自稱同男友喺日本搭火車已經係極限，諸葛梓岐說：「喺香港搭過幾次地（港）鐵，啲友好迫又粗魯，夾住我上唔到車，以後咪搞我！搭巴士好易翻車㗎，巴士兩層咁高，轉彎好易『嘭』一聲反轉，我寧願揸車，我仲會租保母車，每個鐘$280 啫。」尊貴有理，不過諸葛梓岐開口埋口「啲友」就地痞咗啲，難怪佢唔認係公主。「公主病啲人係無理取鬧，我非常講道理㗎。」係呀，個個公主都話自己好講道理㗎！
