關心妍（Jade ）前晚現身唱歌老師杜麗莎（Teresa ）國際演藝學院三周年慶典，Jade 上身著住超貼身上衣，令上圍豐滿的她更顯「激凸」效果，非常性感，似乎近來蜜運成功的她愈來愈添女人味。
Teresa開辦的演藝學校前晚舉行三周年紀念活動，Teresa 的父母、丈夫及兩位千金都有出席，Teresa 桃李滿門，前晚一眾歌手學生包括Jade 、王祖藍及薛凱琪都到場祝賀，更送上Salvatore Ferragamo 上衣答謝老師。
講心唔講金
前晚，Jade 身穿超貼身上衣，令豐滿上圍非常突出，Jade 說：「可能係個造型營造出嚟嘅效果
，（夏天再性感啲？）唔啦，男朋友唔批准呀，要封密，（封密定蜂蜜呀？）兩樣都係啦。」
對於兩人拍拖睇草蜢演唱會，Jade 認為是試金石，希望戀情能夠抵受公眾的壓力，提到婚訊，她說：「傳咗好耐啦，佢都未求婚，家長一早就見過晒，媽咪每年都催我快啲結婚，不過自己想睇清楚先，（要誠意鑽戒？）我要嘅係佢個心，如果佢有行動，我會考慮吓。」
傅穎練歌劇
Teresa提到近日屢次走音的傅穎，她說：「傅穎之前做完澳門個騷就話好大鑊，對自己好失望，唔想再做落去，我話唔得，一定要畀信心佢走番上去個舞台。」她透露傅穎近日練緊歌劇《The Phantom of the Opera 》，若關楚耀上門要求學唱歌，Teresa 都樂意教導，希望大家給予原諒及同情心對待他們。
採訪：音樂組
Jade 早前高調拍拖睇演唱會，是希望戀情可抵受公眾的壓力。
Jade （右）、薛凱琪（左）送上名牌上衣答謝老師Teresa 。
杜麗莎誓要畀信心傅穎，讓她再踏上舞台。
Teresa 的丈夫及兩位千金都有出席慶典活動。
