陳冠希家姐陳見飛對上個禮拜一（廿三日）出席公開活動時，事先宣揚老豆陳澤民破產，搞到老豆上晒A1 。
未正式申請破產，已經俾個女踢爆嘅陳澤民上週末才向破產管理署遞表申請破產，個案將會喺今個月廿八日進行初次聆訊。
瘦咗唔少嘅陳見飛同男友講到攤晒手，十分激動。
發放老豆破產消息後兩日（三月廿五日），陳見飛同男友Felix 喺圓方Caffe Habitu 約朋友飲茶。
話晒喺UBC （哥倫比亞大學）工商管理畢業，但陳見飛卻放棄OL 高職，○二年不顧Edison 反對入行做歌手，可惜做唔起，二五話佢連租屋都要細佬交租，去名店買衫啲單亦係留俾Edison 找數。
家陣Edison 自顧不暇，陳澤民又要破產，黐老豆住加多利山嘅陳見飛真係要諗諗，三十二歲人，讀咗咁多書，係咪應該自食其力呢！
