今周最驚嚇 胸口布滿紅點，形狀嚇人，但林志玲依然打開心口，真係要頒一個「勇」字俾佢。
做女藝人，真係keep 少陣都唔掂。就講早排香港杜莎夫人蠟像館曾以「小喬」造型為「咪咪」林志玲做咗個蠟像，而林志玲亦親自過嚟香港為蠟像揭幕。媽咪姐當日都喺現場，見到林志玲仲係皮光肉滑，靚女一名。
點知事隔幾日，林志玲去咗上海，以浪琴錶全球大使身份出席記者會，見佢喺台上好戮力跳舞娛賓，佢嘅舞姿都幾優雅；點知埋身接受訪問時，嘩，見到佢心口竟然布滿紅點，粒粒紅豆咁大粒，都咪話唔得人驚㗎﹗佢就解釋話係皮膚敏感喎！不過，冇人揸住支槍逼你着低胸衫自暴其醜㗎！
之後跳番part 舞尚算有板有眼，得吓人。
有傳林志玲似乎對「小喬」蠟像唔係咁滿意，仲半講笑話「自己若再胖一點就更似了。」
