迷幻鴛鴦之各行各路關楚耀和衞詩上月底在日本涉嫌藏毒被捕，被關押在東京拘置所長達33天，昨日男方率先獲釋返港，衞詩則繼續被扣押。兩人雖犯錯，但關楚耀獲資深音樂監製父親關維麟及契爺譚詠麟（阿倫）出面力撐，代他向唱片公司求情，令關楚耀回歸娛樂圈有望，事業總算露出一線微弱曙光。反觀衞詩則被唱片公司放棄，星途玩完，看來這對迷幻鴛侶雖曾共患難，卻未能同見光明。
日本警方揭發關楚耀（Kelvin ）和衞詩（Jill ）上月底在東京旅遊時涉嫌藏有及吸食大麻後，兩人俱被囚於葛飾區的東京拘置所，至昨日踏入第33天，關楚耀終獲釋返港，但衞詩則依然被拘押。
日內召開記者會交代
一度將藏毒罪獨攬上身的關楚耀比衞詩早返港，情況較她順利，就連事業發展也較她幸運。其實關楚耀出道以來一直獲圈中長輩護蔭，其父是資深音樂監製關維麟，契爺則是樂壇校長譚詠麟，今次他沉淪毒海，自毀星途，令父母及契爺傷心不已，欲栽培他成材的環球唱片公司同樣大感失望，但一班長輩及唱片公司高層罵歸罵，卻始終沒有考慮離棄他，認為他依然有得救。昨晚關楚耀在父母陪同下返港，計劃跟阿倫及環球唱片高層黃劍濤開會兼認錯，並共商明天或後天舉行記者招待會的安排，屆時他將公開交代事件。其實關維麟及阿倫這兩位老竇，連日來俱為關楚耀勞心勞力，親自出面為他向唱片公司求情，加上環球也不忍趕關楚耀入絕路，待藏毒風波了結後，會先着他返加拿大懺悔一年半載，再視乎市場反應安排他回歸，或有望重返娛樂圈。不過，關楚耀事業勉強保得住，與衞詩卻誓必被棒打鴦鴛，唱片公司和長輩們都會勸關楚耀飛起衞詩，重過新生活，否則環球不會再在他身上投放資源。黃劍濤昨日接受記者電話訪問，被問到關楚耀會否舉行記者會時，他說：「周一或者周二啦，等同佢傾過偈先算啦，家我都未見到人，真係唔知佢家係乜嘢心態，究竟仲想唔想唱歌。」
衞詩至今仍被關押在東京的拘置所。資料圖片
譚詠麟（左）一向視關楚耀如親生仔看待，難怪會親自出馬為契仔向唱片公司求情。
衞詩乏護蔭孤軍作戰
關楚耀有父母雙雙飛赴日本營救，有阿倫出面求情，同公司的好友張敬軒更發動聯署簽名寫求情信，反觀衞詩則沒有男友般幸運，她隸屬的Amusic 最早表態，事先張揚若證實她吸毒立即終止合約，儘管孖生胞姐衞蘭聲淚俱下向老闆黎明代妹求生路，但自涉及疑似衞蘭聲帶在訪問中認吸毒之事後，衞蘭也自顧不暇，唱片公司更堅定「棄詩保蘭」路線。衞蘭在港宣傳禁毒新歌《999》，父親Joey Vidal 則搬去與她同住，兩父女均未曾赴日探望衞詩，加上衞詩日後返港將被勒令搬離與姐同住的九龍塘寓所，與關楚耀又情難再，無家無事業，可謂前路茫茫。採訪：葉雪
關維麟對兒子關楚耀闖禍大感痛心，但仍着緊愛兒星途。《壹週刊》圖片
黎明堅決放棄衞詩（左），寧願將所有資源用來保住衞蘭（右）。
全城熱話：孫耀威爆收律師封口令
關楚耀和女友衞詩上月底因涉嫌藏毒在日本被捕，經一個多月的拘留後，昨日關楚耀率先獲釋返港，Jill 則仍被關押在日本拘置所，歸期未卜。關楚耀的圈中朋友得知他獲釋後，均戥他高興。
孫耀威：我都係聽記者講佢返嚟，公司冇同我講呀，終於返嚟啦，一天光晒。佢返嚟我唔會太刻意搵佢，我都知好多人會煩佢，漫漫長路，仲可以同佢敍舊，唔使呢一刻刻意搵佢。我會支持佢，之前都有send sms 畀佢，同佢講會support you 。男人心照啦！唔會刻意提件事，呢個年代犯錯要勇敢面對，約出嚟吹吓水，我都好掛住佢。其實呢行有邊個冇壓力，有好多辦法，唔一定要試啲刺激嘢，最重要係唔好犯法。至於求情信方面，佢都返咗嚟，講呢啲都冇意思，要幫我都會盡量幫，公司律師都叫唔好講太多。
方力申：佢喺日本都超過一個月，返嚟咪好，起碼可以同家人團聚，希望件事快啲完結，喺日本咁耐好辛苦，最慘冇得講嘢。
薛凱琪：我冇留意報道同消息，平時做騷會傾偈，我唔會刻意搵佢哋，因為知道藝人發生咗嚴重事情，有慰問當然開心，但作為第一身都想靜吓，畀啲私人空間佢哋，可以返嚟當然開心啦。至於幾時再復出，呢啲應該由唱片公司決定，朋友同觀眾都冇得決定啲乜。任何人喺海嘯情況下失業都好可惜，有份工已經好好。
傅穎：Kelvin 返香港梗係好事，留咗咁耐，返香港點都有安全感，好多歌手都支持佢想佢快啲返香港。至於Jill ，當然都想佢快啲返，我印象中Jill 係好開朗活潑，唱歌又好，希望佢都快啲冇事。
側田：當我知Kelvin 出咗事已sms 佢，不過佢冇覆，佢返嚟我暫時都唔煩佢住，等佢安頓好先約佢出嚟飲酒。我唔會疏遠佢，佢咁細個，大家唔好畀條絕路佢行。
林敏驄：我識Kelvin 嘅老竇，睇佢都係乖仔，返嚟好吖，始終可以同家人團聚。唔少新一代音樂人都話要食呢啲嘢尋求刺激，其實創作係唔需要呢啲嘢。
衞詩在日本涉嫌藏毒被捕後，昨日男友關楚耀已先行獲釋，她卻仍然返港無期。
from
http://appledaily.atnext. ... art_id=12564867
