鄭希怡（Yumiko ）前晚與名模Ana R.、Jocelyn 及謝安琪等，為意大利時裝品牌MAX&Co.演繹○九春夏新裝，大會特意為Yumiko 搭了一個帳篷作更衣之用。Yumiko 稱：「酬勞好滿意，遲啲都會行多啲騷，殺入模界，因為依家難做。」
Yumiko 下周將到上海工作，順道替父親慶祝生日。她說：「係我入行以嚟首次同爸爸一齊慶祝，我都覺得好對佢唔住。記得十歲時同爸爸坐電單車時，我話大個要買車畀佢，所以我會買車做生日禮物。」
身為嘉賓及獲品牌贊助的謝安琪，笑言身形矮小，只能行童裝騷。問她會否接受內衣贊助時，她說：「未必，唔單止唔滿意身材，我好怕醜。我著內衣偏向甜美類型嘅款式，始終我係良家婦女，我鍾意黑、白、粉紅同波點，怪癖係一定要著一套，上下唔襯，無論出街或喺屋企都唔得。（老公張繼聰有冇陪買內衣？）我冇所謂，但佢接受唔到。」
張繼聰讚舊愛演技
另外，張繼聰前晚與舊愛梁嘉琪出席公開活動時未見避忌，並肩而坐密密斟。張繼聰表示分手亦是好友，更有追看對方的劇集《學警狙擊》：「佢做得好自然，大家都係演藝出身，佢冇丟King Sir （鍾景輝）嘅架！」
Yumiko 會買車送給父親作生日禮物。
身穿價值三千二百八十元花裙的謝安琪，揚言兒子要完成學業才可拍廣告。
張繼聰與舊愛梁嘉琪出席活動時沒有避忌。
