樂基兒前晚為Hugo Boss 示範新裝，架上墨鏡的她表示日前發生家居意外，她說︰「新屋好住，早幾日有朋友帶埋隻狗嚟我屋企食飯，因為隻狗同地氈一樣顏色，我絆親隻狗，就撼落朋友個頭度，佢個頭好痛，我就隻眼紅晒。（爆微絲血管？）可能係，醫生話要等佢自己好番。Leon（黎明）仲笑我論盡，不過都好擔心，叫我快啲睇醫生。」並表示受傷沒有影響工作。對於有指黎明重工作多過重愛情，她卻不予置評。
同場的謝婷婷對於有廣告商出千萬酬勞邀姪兒Lucas 拍廣告，她說︰「你哋信唔信呀？有無人會咁傻？不過佢都幾值呢個價。如果畀咁多錢我，我可以扮番BB 。我都想拍打戲，不過個個都話辛苦，依家都有人搵我，但只係初步傾。」
樂基兒隻眼紅晒，故戴上墨鏡行騷。
樂基兒與裴蓓（右）同場行騷，各具美態。
謝婷婷唔信有人出千萬請姪兒Lucas 拍廣告。
