現年33歲的佘詩曼，最近被指翻撻39歲的緋聞男友鄭嘉穎，日前更被拍到同車照，阿佘昨日主動約記者解畫，她表示每對情侶都是由朋友開始，阿佘形容二人是朋友關係，莫非想暗示他們有發展空間？
佘詩曼近年緋聞多多，早前指她發功冧掂鄭嘉穎，成功踢走周麗淇，可是早前又傳出阿佘嫌鄭嘉穎性格太悶，二人分手收場，但最近他們獲無綫安排合作古裝劇《宮心計》，朝夕相對，鄭嘉穎日前又被拍到做柴可夫用黑色Golf GTI 接載阿佘，立即傳出他們愛火重燃。
主動約記者解畫
阿佘和鄭嘉穎早前齊齊為劇集《宮心計》宣傳，二人零交流。資料圖片
據知鄭嘉穎和阿佘昨日原有通告要為《宮》在城門河水塘附近拍外景，但因天雨關係，拍攝被迫取消。其後，阿佘主動相約傳媒在將軍澳電視廣播城為翻撻鄭嘉穎緋聞解畫。阿佘被偷拍到與鄭嘉穎同車時，戴上粉紅色帽，但昨日卻轉戴了綠色帽，她笑說：「乜顏色帽我都有。」問到會否承認戀情？阿佘說：「唔係呀，冇呀，我一早講咗拍劇『復合』。」對於獲鄭嘉穎接送，她說：「好小事。」阿佘親口承認車上的是她，然後再說：「唔似咩？早知唔認啦。嗰日放工，佢車我搭的士。」可是阿佘早前接受雜誌訪問卻否認「同車」，她解釋跟記者不熟才這樣回答。
周麗淇劃清界線
周麗淇出席活動時拒提阿佘與嘉穎的戀情。
問到阿佘是否要發展地下情？她說：「每對情侶都係由朋友開始，總之我哋係朋友，但係都冇乜進展。」是否嫌鄭嘉穎太悶？阿佘護駕：「你哋唔好咁講佢，我哋唔會專登去避忌，佢又唔係有病，影到講嘢又話我，影唔到又話，點都會寫，避唔到，呢啲係正常朋友交往，坐順風車好正常，我哋都試過一齊賞煙花，不過係拍劇。」阿佘認為這次斷正被拍到同車只是小事一則，她續說：「真係令大家失望，我哋仲係朋友。」此外，周麗淇（Niki ）昨日在尖沙嘴出席無綫新劇《桌球天王》宣傳，阿佘和鄭嘉穎的地下情再次曝光，Niki 不欲多談，被追問二人是否冇必要刻意隱瞞戀情，她說：「唔知，唔關我事，唔會影響到我，開心或唔開心唔會因為呢件事。」至於會否看好二人的戀情，她繼續劃清界線說：「人哋嘅事，我唔方便講啲乜。」採訪：王崇穎、卓寶花攝影：陳慧安
阿佘昨日主動會傳媒，為緋聞解畫。
from
http://appledaily.atnext. ... art_id=12562145
