英皇電影《W.》前晚舉行首映禮，楊受成夫婦、楊其龍、章小蕙、奧利華史東、陳偉霆及詩雅等均出席，場面熱鬧！章小蕙表示兒子鍾嘉浚本來答應出席，但臨時甩底，使她非常失望。
章小蕙知道十九歲的鍾嘉浚會出席首映，親自為他配襯了整套Dunhill 的踢死兔西裝，但前晚卻不見嘉浚的蹤影，她失望地說：「佢臨時要考試，要留喺屋企溫書，（臨時考試？）期考嚟，好失望呀！」不過，章小蕙的母親及弟弟，還有好友呂良偉與楊小娟都撐場。
點名帶阿嬌入荷里活
身穿Valentino 黑色Tube Dress 短裙的章小蕙全場與朋友合照，更挨著電影製片人Bill Block 拍照，她對票房信心十足，指電影已回本，因該片已在英美上映，香港的票房只是分紅，她說：「好多謝楊受成同奧利華史東，令我可以去到另一境界，（咩境界？）國際矚目嘅境界，我依家有四個電影計劃喺手，由一千五百萬美金到一億二千萬美金，都係由我負責，（想搵咩人開戲？）想帶香港人去荷里活，（睇好邊個？）鍾欣桐（阿嬌），荷里活對事唔對人，好公平，（但今次都被人剪咗鏡頭喎？）因為片長
！」
章小蕙前夫鍾鎮濤有份配音的《天煞撞正怪怪獸》與《W.》同場舉行首映禮，但時間相差兩小時，而鍾鎮濤前晚亦因到上海出席演唱會記招而缺席了《天》片首映，章小蕙被問到鍾鎮濤時，即說：「唔講喇。（鍾鎮濤係咪避咗你？）好喇吓。」章小蕙說罷便離開。
陳偉霆怕瘀冇請女友
至於在《W.》中飾演男護士的陳偉霆，則撇甩女友Angelababy 與師妹詩雅一同到場，他表示因為未知自己的戲份有沒有被刪，所以沒有請女友出席首映，怕對方失望。
文：影視組
章小蕙與製片人Bill Block 老友鬼鬼。
（右起）楊其龍、楊受成、奧利華史東、楊受成太太及章小蕙合照。
陳偉霆與師妹詩雅手牽手到場。
