「邦民女」羅凱珊（Kama ）將與薛凱琪、王祖藍等人合演新片《喜劇人間》，飾演一名16歲的未婚媽媽，首次踏足影壇的Kama 自言對片酬十分滿意，更希望將來可與偶像劉德華合作。
法國化妝護膚品牌嬌蘭，推出全新Rough G 寶石唇膏，前晚在中環舉行彩妝活動，人氣急升的o靚模羅凱珊、洪欣、楊洛婷、王馨平、李彩樺和榮雪梅等均有出席，其中Kama 透露已落實接拍電影，處女作會與薛凱琪及王祖藍等合作，電影暫名《喜劇人間》，並由陳慶嘉執導。
Kama 近期工作量大增，赴日發展之餘又接拍電影。
穿上迷你牛仔裙的李彩樺，透露近來學泰拳，身體健康了又可自衞，一舉兩得。
最想跟華仔合作
Kama 說：「戲中要演一位16歲嘅未婚媽媽，同杜汶澤有最多對手戲，不過個肚唔係佢搞大，但佢會認頭做BB 嘅爸爸，我哋年紀差成10幾年，我細個已經睇佢做戲，由佢瘦睇到家肥，我哋傾過偈覺得佢好搞笑，導演話故事係根據我嘅性格寫，叫我要自然流露，我最希望可以同我偶像劉德華合作。」她又謂對片酬十分滿意。問Kama 現實生活會否介意男友年紀較長？她說：「如果鍾意都唔會介意，不過自己就未試過。」拍完戲之後Kama 將會再到日本工作，仍主力做model 。
洪欣結婚唔見錢
洪欣推掉了豐胸內衣廣告，損失6位數字的酬勞。
此外，準新娘洪欣已找了電影《畫皮》的服裝設計師胡寶玲設計婚紗，她說：「婚紗只係露背唔會太性感，每個男人都唔想另一半太sexy ，本來有個豐胸內衣搵我拍廣告，不過太性感老公唔畀我接，損失6位數字。我哋只會擺酒唔會行禮，擺酒地點要保密，因為唔想太高調。」採訪：Law Wai Man攝影：Chen Wai On
大會司儀楊洛婷以性感低胸出席，成功搶鏡。
from
http://appledaily.atnext. ... art_id=12540315
