昨晚揭幕的「第三十三屆香港國際電影節」，一眾女星鬥性感鬥派頭鬥搶鏡，徐靜蕾及張靜初谷胸戰長腿姐姐莫文蔚（Karen ），令現場肉光四射。早前被騙三百萬的成龍豪氣表示被騙證明「搵得到」。
英皇電影《新宿事件》及許鞍華的《天水圍的夜與霧》同時成為本屆開幕電影，兩片主要演員成龍、吳彥祖、加藤雅也、任達華、范冰冰、徐靜蕾及張靜初等陸續亮相，加上張智霖、方中信夫婦、劉青雲夫婦等亮相，場面星光熠熠。
鮮有性感的徐靜蕾，更以全身三十四卡鑽飾贊助亦令她成為全場「最閃爆女星」，Karen 身穿意大利全新晚裝，亦大騷誘人長腿，而一身Dior 贊助的張靜初胸前大deep V 同樣吸引，均成為傳媒焦點。
成龍自揭向來集郵
成龍專程返港出席《新》片全球首映禮，當被問到早前賣車被騙三百萬時說：「錢冇咗冇所謂，反正我成日畀人呃，不過我驚
個人會繼續呃我其他朋友
，再係咁落去我會將佢張相登A1 頭條。點解我哋call 佢就玩失蹤，係要警察先搵到佢呢？」談到熱話「集郵男星」，成龍說﹕「我唔知，冇聽過，不過我真係有收集郵票
。」
任達華claim 錢睇醫生
任達華則透露接拍《天》片令他精神壓力很大，早前更向心理醫生求助：「拍到中段冇晒目標方向，又成日訓唔到，惟有去搵醫生啦。（老婆知唔知？）冇話佢聽。呢部係小本製作，不過我覺得拍得好值得，所以都冇諗住攞張醫生單，去問許鞍華claim 番錢。」
至於日籍演員加藤雅也甫亮相，即被追問前女友藤原紀香離婚一事，他皺了皺眉簡短的回應說：「希望所有人都開開心心。」他又自爆正努力苦學廣東話，有意全力進軍本港影壇。
文：影視組
徐靜蕾（左）和范冰冰盛裝赴會。
莫文蔚穿上最新運到的意大利晚裝大騷長腿。
任達華與張靜初在《天》片首次合作。
成龍專程趕返香港出席《新》片全球首映禮。
加藤雅也有意來港發展。
