韓君婷以100萬酬勞擔任隆胸代言人，將於月底接受隆胸手術。前晚身穿黑色低V 裙的她擔任首映司儀，坦言今次決定隆胸，事前並沒有得到父母批准，因為覺得隆胸只是小事，自己全權揸弗話事。
韓君婷最近接受蕭定一的邀請，收取100萬酬勞成為隆胸代言人，將於月底在港接受無創隆胸手術把上圍升cup 。除了增加上圍睇頭外，韓君婷亦可盡地一煲博事業反彈。
消瘦賴腸胃炎
前晚韓君婷身穿低V 裙到金鐘，為新戲《LaMB ：無聲天使》的傳媒首映會擔任主持，只見在低V 裙襯托下的她上圍平平無奇，比之前還瘦。韓君婷表示因為之前食海鮮引致腸胃炎，可能因而影響體重。談到做隆胸代言人兼接受手術，韓君婷笑說：「我未睇報道，都係啱啱簽約，細節未講得住，未親身體驗，又未見醫生，我唔想有謠傳同埋歪曲件事，所以唔想講太多，當然每個女人都想靚。」問到家人有何意見？韓君婷直言：「佢哋好相信我，對我嘅生活唔擔心，係我自己決定，咁大個人識諗。」有消息指此舉是博翻身，韓君婷反問：「你覺唔覺先？我咁多活動做，今次拍廣告啫，唔係咁大件事。」
韓君婷認為隆胸是小事，不需徵求母親（右）同意。 資料圖片
完成工作後韓君婷逛便利店，集中精神左挑右選。
何超儀撐衞詩
何超儀為動畫電影中的女角配音，以英語上陣富挑戰性。
此外，為《LaMB ：無聲天使》主角配音的何超儀前晚亦有出席，問到關楚耀和衞詩（Jill ）在日本涉藏毒被捕，超儀表示：「我都識Jill ，希望大家畀機會同空間佢哋，我近幾年都好少夜蒲，所以唔會接觸到毒品。」她又表示若有需要會在求情信上簽名。出席首映後，韓君婷即改穿便裝，於凌晨約12時偕同一名女友人現身跑馬地一便利店，二人在店內隨意逛，韓君婷只買了一包花生消夜，並揀了一本時裝雜誌，但其同行女友發現記者卻避忌地撇甩韓君婷先行離開，韓君婷繼而到櫃位付款，再步行返回跑馬地寓所。採訪：藍文浩攝影：陳慧安、娛樂突發組
韓君婷前晚擔任首映司儀，上圍欠缺睇頭。
http://appledaily.atnext. ... art_id=12519210
