自從同Neway 二太子薛嘉麟戀情曝光後，諸葛梓岐嘅是非冇停過，搞到佢阿媽下令棒打鴛鴦，但愛情大過親情，除咗同二太子秘密去日本旅行，上個禮拜五晚（三月十三日）九點幾，諸葛小姐又同男友手拖手去南華會對面嘅按摩店按腳。
見到鏡頭，同薛嘉麟拖晒手嘅諸葛梓岐嚇到遮面彈開，反而男友面帶微笑，臨走時，兩個都隔住車窗同《壹》仔拜拜。
唔聽阿媽話嘅諸葛梓岐同Neway 二太子薛嘉麟拍拖去按腳。
按足兩粒幾鐘，差唔多十二點先離開，《壹》仔上前影相，二太子全程鎮定，反而諸葛梓岐就邊笑邊掩面話：「哎呀！唔好影啦！好醜樣呀！」
唔醜唔醜，二太子薛嘉麟有財有勢，諸葛梓岐自己屋企一樣咁疊水，計我話，門當戶對先真。
