食完飯，Michael 送梁詠琪搭的士，自己就行返跑馬地屋企。
自爆目前有一位「好朋友」追嘅梁詠琪，自從同法國男Sly 玩完，身邊似模似樣嘅就只出現過六呎高、開製作公司嘅Michael 。繼今年一月中八珍目睹二人響金鐘睇戲，早排又見到GiGi 同Michael 孖住響跑馬地南蠻亭開餐。
兩人選擇坐bar 枱，背向其他食客，不過，成餐飯都冇乜親密動作，失望。
今年一月中，梁詠琪同Michael 一齊去金鐘睇《吸血新世代》，之後一樣各有各走，「好朋友」絕有可能另有其人。
GiGi 話過因為工作忙，同「好朋友」暫時只能保持關係，將來有冇進一步難講。
又係嘅，咁睇戲、食飯，都唔一定係拍拖，照我話，Michael 隨時唔係GiGi 口中嗰個「好朋友」！
