古巨基昨日舉行演唱會記者會，其間大派3D 眼鏡給現場嘉賓，他表示歌迷在個唱中可以用3D 眼鏡欣賞到他身體的立體部份，但就表明不會在台上發表愛的宣言和求婚。
古巨基昨日在半島酒店出席「古巨基Eye Fever 演唱會」記者會，並宣佈加開27和28日兩場，即從下月23至28日共舉行六場演唱會。在記者會上，黃柏高送勳章給基仔，贊助商又送500張門票給他。原來基仔早前幫親友訂票近500張，但唱片公司向他表示只得200張門票，現在贊助商送上門票，令基仔開心不已。
基仔（右二）和經理人黃柏高（左二）試戴3D 眼鏡，預告在個唱上有特別立體效果。
基仔在上次個唱大玩飛天特技，他透露今次會再搞新意思。資料圖片
個唱後傾續約
基仔表明和金牌大風的續約條件是不可「cut 飛」，他笑說：「家佢哋唔cut 我飛，已經答應咗我首要條件，跨出重要嘅一步。至於第二步就係時間，因為老闆知我忙緊籌備演唱會，之後佢先會坐低慢慢同我傾。」記者會上，基仔向來賓送上一副3D 眼鏡，原來在個唱上觀眾只要戴上3D 眼鏡就能欣賞到立體效果。問基仔身體那部位比較立體，他即笑說：「我會答你係我個鼻囉，今次我用咗好多電腦技術，畀大家有好多視覺效果。」記者笑言基仔會否擔心歌迷只留意他某些立體部位，他尷尬地說：「呢啲悉隨尊便啦，咁我啲衫都會好立體。」
跳舞包保惹笑
基仔又透露演唱會有一個環節名為Dance Fever ，他說：「如果郭富城係第一位大家想睇佢跳舞嘅歌手，我一定係第二位，因為大家從中搵到好多歡樂。」問基仔會否在個唱中發表愛的宣言或求婚，他說：「暫時仲未有人生大事嘅計劃，我諗啲勁啲嘅嘢宣佈，一於宣佈我巡迴演唱會正式開始。」採訪：李珮洳 攝影：仇志德
古巨基即將在紅館舉行演唱會，昨日他在記者會上談及細節已表現興奮。
from
http://appledaily.atnext. ... art_id=12509382
