上月28 號貽興王俾《FACE 》影到佢背住編輯女友Carrie 偷嗒新女Yuki ，慳家才子當日仲豪咗$766 請新女到中環歌賦街Farfalle 食燭光晚餐。事隔唔夠一個月，Yuki 已由涉嫌第三者坐正。
俗語有話風流才子，出過幾本書嘅王貽興算唔算係才子FBI 唔敢講，但就肯定風流囉。《FACE 》上星期踢爆王貽興背住《忽然1 周》高級編輯女友Carrie ，同索女食燭光晚餐，雖然男主角唔認另結新歡，不過FBI 出名明察秋毫兼多線眼，你估咁易俾你呃到咩？
A 貨綾瀨遙
王貽興新女Yuki 身材有冇F Cup 嘅綾瀨遙（右圖）咁勁，FBI 唔敢講，但側面睇，個樣可以話勉強有嘅似嘅。
據知呢位貽興王新女友叫Yuki Wong ，係OL ，喺王貽興力追之下，兩個人已經拍緊拖，王貽興仲喺朋友面前大讚女友似身材出眾嘅日本F Cup 女星綾瀨遙，即係《我的機械人女友》女主角！
啦，Yuki 身材有冇綾瀨遙咁澎湃FBI 未睇真就唔敢多講喇，不過FBI 就認為才子風流但唔可以下流，既然嗒喺索女新歡，就無謂一腳踏兩船搞三角苦戀啦！學柏芝話齋，人人都有阿媽生㗎嘛！
