[衛詩與關楚耀在日本涉嫌藏有大麻被捕，兩人不但影衰香港，更影響本港藝人形象和出入境增添「麻煩」，身受其害的何韻詩日前返內地工作遭海關搜身，而關之琳直斥兩人「戇居」兼自毀前途。
何韻詩、泳兒及農夫昨日出席新城電台活動，阿詩透露[衛詩與關楚耀出事當日，她正要返內地工作：「平時坐喺車度畀海關望一望個樣就好順利過關，當日就唔係喇，叫晒全車人落車搜身，將所有袋打開嚟睇，連架車都摷埋，絕對因為呢件事。（有冇除褸同鞋？）冇，都幾好禮貌。」
「珍惜自己啦！」
而關之琳昨日到金鐘太古廣場掃貨，對於「關Jill 涉嫌藏毒」一事，表現得相當勞氣，除以「戇居」形容兩人，更指摘兩人影衰本港藝人形象，她說：「真係唔明佢哋點諗？珍惜自己啦！（前途盡毀？）就算唔盡毀都半毀啦，都唔明食毒品有幾high ？仲要帶埋出境，好戇居囉！」之之連珠炮發續說：「佢哋咁做唔止影響自己，仲令外間誤會娛樂圈都係咁。」不過之之對[衛詩被公司解約求情說：「每個人都會做錯事，可以警告佢哋，但唔好絕佢哋條路。」
拘留延長至下周
另外，記者昨日走訪位於霞關的東京高等裁判所，向當地的刑事部查詢，發言人表示「關Jill 」未有咁快得到判決，而拘留時間亦延長至下周一，相信有傳兩人日內已得到判決是誤傳。
而身為[衛詩家姐的[衛蘭連日來均以淚洗面，昨日她接受本報訪問時說：「我冇好好照顧妹妹，我同爸爸寵壞咗佢，冇錢就畀錢佢使，令佢冇晒責任感，以後我哋會對佢嚴厲啲。」
昨日有傳關楚耀母親已返香港，記者向其唱片公司高層黃劍濤求證，他說：「返咗香港幾日，冇嘢講，佢話有新消息會通知我哋。（下周一判刑關母係咪飛番過日本？）真係唔知。」
採訪：名人組、音樂組
關之琳提到「關Jill 涉嫌藏毒」即十分勞氣。
何韻詩日前返內地工作遭海關搜身，她說：「絕對因為呢件事。」
左起：泳兒、鄭融、何韻詩及農夫齊齊出席電台活動。
[衛詩與關楚耀涉嫌藏毒大損本港藝人形象。（資料圖片）
