羅凱珊（Kama ）早前到馬來西亞拍攝旅遊特輯，短短兩日間竟體重激增，連上圍亦意外升cup ，Kama 穿上三點式大晒豐滿身材，更以真空半裸享受熱石按摩，一於進行身心大解放。
最近模Kama 被邀請前往馬來西亞為旅遊發展局拍攝特輯，由於在拍攝期間肆無忌憚大吃大喝，身形竟在短短兩日間增磅。心廣體胖的她直說：「馬來西亞串燒、喇沙同拉茶都好好食，搞到我已經肥咗3 磅，又係時候要努力修身。」
真空晒靚背
Kama 雖然體重上升，但上圍亦意外升cup ，所以Kama 穿上三點式泳衣餵魚時，明顯比以往更有睇頭，身材更為噴血，難怪連海中的魚仔都要「食咗佢」，她笑說：「啲魚可能好肚餓，一餵佢就成群衝住嚟搶食，連我隻手指都唔放過。」
今次大會還安排Kama 享受熱石按摩，要真空半裸上陣，大騷白滑背肌令人大飽眼福。
唔認低價搶job
日前有報道指Kama 靠黐Angelababy 上位，她無奈解釋是傳媒炒作新聞：「每次接Job 都係由公司安排，有時係到活動前一日先知有咩人。我係好欣賞Angelababy，但我覺得靠自己都得。（低價搶job ？）絕對冇，價錢係由公司安排，我唔相信公司會低價接job 。」在日本之行後，Kama 坦言身價已經倍增，目前會繼續學好日文，方便留日工作。
文：專案組
Kama 以真空上陣，享受大馬熱石按摩。
Kama 日本之行後，身價亦倍增。
