近日極速上位的女模諸葛梓岐（Marie ），跟Neway 二太子薛嘉麟戀情曝光，被指貪錢黐實有米男友，同未來大嫂陳法拉在靈堂爭寵，放料搏宣傳，是非不斷。
不過，曾自爆月花數十萬元的諸葛梓岐亦屬有米族，父親從事電子生意，母親更是大陸高幹，家住月租三萬多元的雲景道千呎豪宅，家族資產以億計，分分鐘疊水過男友薛嘉麟。眼見女兒負面新聞不斷，諸葛梓岐母親為保愛女名聲，落分手令，並要求她退出娛樂圈！
母親有令，諸葛梓岐即時嗱假停工，就連同男友拍拖到日本睇騷，都要前後腳搭唔同航空公司班機，玩低調！
陳法拉跟Neway 大太子薛世
拍拖，男方不時車出車入，去年8 月，更被影得二人在畢架山一號同居。（《忽然1 周》圖片）
諸葛梓岐極速上位，年初行騷，人氣勁升的她已經跟樂基兒等一姐「平起平坐」。（《蘋果日報》圖片）
放料宣傳打住諸葛亮第六十三代後人，成功闖入模界的諸葛梓岐，月前被踢爆跟Neway 二太子薛嘉麟撻喺，曝光率大增，不過負面新聞亦隨之而來。被指靠男友豪使豪住外，上月男友祖母去世，在靈堂撞正未來大嫂陳法拉，二人被指在靈堂爭寵，諸葛梓岐更被稱向傳媒放料搏宣傳。
諸葛梓岐備受負面新聞困擾，情緒低落，其母亦飽受壓力，於是落令要女兒同薛嘉麟斬纜，退出娛樂圈。
「Marie 媽咪喺大陸有頭有面，個女明明係千金小姐，但就被人屈靠黐，仲要話佢放料，咁梗係心痛啦，加上身邊嘅親戚朋友不停追問點解佢個女會咁，搞到佢媽咪好煩，咪叫Marie 唔好做，仲要同男友分手，費事再俾人講閒話。」知情者透露。
去年12 月胡杏兒簽約Neway Star Music 出唱片，二太子薛嘉麟（左二）當日亦有出席，不過他跟諸葛梓岐戀情仍未曝光，未有記者追訪。
用心良苦風頭火勢，諸葛梓岐唯有即時向公司嗱大假，據模特兒公司員工透露，諸葛梓岐的確已暫停接job ，有錢都唔賺。「佢早排同公司講嘅負面新聞令佢好大壓力，屋企人都好擔心，所以決定嚟緊呢幾個月都唔會接嘢做，放大假休息。」
聽阿媽話唔接job ，但諸葛梓岐卻唔肯同男友斬纜，只承諾會將戀情低調處理。為免再被指借男友宣傳，二人甚至去日本睇騷，都前後腳入閘，更刻意坐不同航空公司班機，用心良苦。
上週五（三月六日）晚，諸葛梓岐與薛嘉麟到九龍灣國際展貿中心睇「王若琳演唱會」，為免被記者認出，齊齊戴住帽，薛嘉麟更刻意將帽拉低，幾乎連路都睇唔到。
出發到日本前，二人先去欣賞王若琳演唱會，不過入場前薛嘉麟全程耷低頭避鏡頭。
秘密遊日睇完演唱會，二人隨即趕到機場，準備坐凌晨二時的夜機到日本，為求低調，薛嘉麟坐JAL 日本航空經濟客位，富貴諸葛梓岐則坐ANA 全日空商務客位，兩班機起飛時間只差十分鐘。
二人抵達機場後，即分頭辦理登機手續，諸葛梓岐辦完手續先行入閘，甫見記者，她顯得有點愕然，但仍面帶笑容。至於薛嘉麟見記者即急步入閘，被問到是否與女友旅行，他只笑不回應。
諸葛梓岐拍飲品廣告時（右圖）已被留意，接住拍葉念琛執導的《保持愛你》，有樣有身材的她，已令導演為她挽袋獻殷勤。
