雖然王貽興出名花心，但靚仔又有才華，同索女食飯嗰陣，王貽興係咁意摸住個杯，呢個動作已經將索女電暈，托住頭望住貽興實一實。
有型才子王貽興，06 年憑《最緊要正字》由冇人識作家變身「正字男」，在無線急彈，不過口花才子惹緋聞，撻喺落選港姐曾愛媚，續約時又大咬開價講條件，搞到陳總志雲冇癮，最後解約收場。
天堂跌落谷底，上位時身邊女伴車輪轉，估唔到現靠氹掂三姑吳君如，只在商台開咪的貽興王，一樣可以窮風流。前週六（28 日）本刊拍得貽興王同年輕索女食燭光晚餐，之後漫步中環，貽興王更情不自禁在暗角攬新女。才子風流，電車男學嘢啦！
王貽興話索女唔係圈中人，亦唔係model ，只係一個OL ，但點都唔講佢叫咩名，因為大家只係朋友喎。
索女睇落去廿幾歲，喺埋對boot 都有成5 呎6 吋高。未算一等一靚女，不過都索過王貽興個紅顏編輯Carrie 。
30 歲王貽興，同無線解約後，工作寥寥可數，最近只拍住吳君如和阮子健主持商台《嘩！嘩！嘩！打到嚟！》，人氣先回升。工作少收入跌，但愛情從不愁寂寞。除了有個拍拖年多的週刊編輯女友外，前週六（28 日）本刊拍得王貽興同另一年輕索女，到中環歌賦街Farfalle 意大利餐廳食燭光晚餐。
當日貽興同索女食嘅晚餐連加一成$348 一個，有意大利蘑菇湯、大蝦意粉，仲有雪糕添！
攬入暗角
食完飯，王貽興同索女漫步，其間去到永樂街暗角。王貽興忽然攬住索女條腰，之後再拉埋一角6 秒，唔知嗰6 秒才子會做咩呢？
男逗 傾傾吓偈，王貽興忽然捉住索女隻手。索女當然唔抗拒啦，仲
笑添。
女攻 難得俾王貽興摸手，索女意猶未盡，借意摸貽興手鏈，借勢摸番佢轉頭。
互摸
餐廳互Flirt
該餐廳人客以外籍人士為主，冇人認得嘅王貽興，即時肆無忌憚展開電女
功。食飯期間他已不時托住個頭，狂chok 樣含情脈脈望向索女放電，未食完主菜索女已經暈晒大浪。
其後貽興忽然雙手捉實索女，女方極之受落，索女回禮再借意摸貽興手鏈，兩人全程互有進攻，flirt （調情）到底。
忽然失憶
索女打扮似足不知名嫩模，加上長腿撩人，令閱女無數嘅貽興把持不住。
飯後二人漫步到中環永樂街，貽興情不自禁攬住索女，之後更將她攬入暗角位，匿埋約6 秒才出來，之後就好gentlemen 送索女搭車。同索女打情
俏又攬腰，但上週五（6 日）問到貽興，佢就忽然失憶。
F ：《FACE 》 王：王貽興
F ：影到你同新女友食燭光晚餐喎?
王：幾時呀？冇喎！（知道記者有齊相片後，即改口風。）佢係我一個圈外朋友啫，係OL 嚟！（攬腰又摸手喎！）冇呀！我諗係你哋嘅影相角度問題啫！
F ：你仲攬住人哋條腰，去咗暗角位？
王：邊有呀？我諗係因為佢喺高踭鞋，我扶一扶佢啫！
咁都得？才子急才，睇你受唔受囉！
雖然冇得撈無線，不過喺商台有吳君如照住，總算keep 住人氣。
唔止𡃁妹受落，貽興王同《忽周》女編輯Carrie 拍拖年多，不時被傳媒拍到。
王貽興同索女就食燭光晚餐，但同平實Carrie 就食30 幾蚊茶餐廳。不過Carrie 就坐王貽興隔籬，親密好多。
王貽興不時為《忽周》擔任model ，對於王貽興同索女食飯，Carrie 壓抑情緒話:「同佢冇聯絡喎，有咩你問番佢啦！」
靠女搵食
王貽興唔止靚仔，寫文章又叻，把口仲識氹人。同吳君如合作《嘩！嘩！嘩！打到嚟！》，雖然不時被君如寸，但就甘心做下把畀足面老細君如，咪後又識講爛gag 氹三姑，讚佢keep 得好唔少得啦！兩人開咪時亦常將貽興王的《忽然1 周》編輯女友Carrie 個名掛在口邊！咦，而家可能要改口喎！
13/2 吳君如：貽興就最鍾意嘅大年紀嗰嘅㗎啦，Carrie 呀。
4/3 吳君如：你專溝副刊嘅女記者（暗指Carrie ）㗎啦。
王貽興：Ok 㗎，哈哈哈！
伊羅05 年 同王貽興拍拖5 年，但王以事業剛起步，向伊羅提出分手，但原來係因為溝掂落選港姐曾愛媚。伊羅得悉後：「我蠢，我戇居！」
曾愛媚06 年 同落選港姐曾愛媚因工作撻喺，不過拍拖半年後因為男方另溝維珍空姐Harriet Wong 而分手。事後女方說話有骨：「戥佢開心囉！」
Harriet Wong 07 年 07 年中同維珍空姐Harriet Wong 搭上，初時經常被傳媒拍到拍拖，不過有傳因為王貽興呷醋連環掌摑女方，戀情即時玩完。
不歡而散
王貽興雖然女友無數，不過每次分手都反面收場。同任職維珍空姐前女友HarrietWong 相戀期間，更被傳因為女方同前男友facebook 互送虛擬鮮花，令到王貽興怒火中燒連環掌摑女友。
