曾經公開隆胸又拆彈嘅28 歲Gaile ，自從同大佢14 年嘅黎天王拍拖後，身價曾經升至15 萬一個騷依然唔憂做，想再睇明嫂再喺泳衣益人都幾難喇。《忽然1 周》圖片
唔生性衛詩在日本涉嫌藏毒案，搞到老頂黎明嬲到震，諗計保住公司形象為上策，更順延了與拍拖3 年多的樂基兒（Gaile ），進駐上水半億獨立屋愛巢大計。
據知黎天王年前已開始裝修近5 千呎的豪宅，上月更偕設計師Tom 到金鐘連卡佛的Home 豪買閨房家具，睇中價值5 萬幾蚊的超豪特大size 巨床，連埋真皮床架及意大利名貴床單，豪花16 萬唔眨眼。
為討準明嫂歡心，黎明更買下靚爆法國油畫armchair 氹女友，單係主人房傢俬埋單30 幾萬。公司愁爆唔使怕，返到愛巢同Gaile 歎番夠本咪得囉。
網上圖片
做咗天王嫂後，Gaile 修心養性戒蒲戒劈酒，早年幫女攝影師好友戴妮廷影咗輯大膽內衣床照，黎明見到仍然好維護：「呢啲都係以前嘅事啦，佢唔會再影咁嘅相啦。」
去年9 月，黎基拍拖到中環都爹利街的「galerie du monde 」名牌傢俬店，主攻十幾萬以上的意大利布梳化，可見黎天王對歐洲嘢情有獨鍾喎。
情到濃時，睇睇吓傢俬，黎天王化身做按摩師幫Gaile 按頭，完全旁若無人，係人都知你哋sweet 喇。
率先揀貨
主人房夠taste
黎基嘅半億愛巢St.Andrews Place 位於上水雙魚河，三層獨立屋共有兩廳、五套房，大屋面積︰5,895 平方呎、花園面積︰7,015 平方呎、天台面積︰1,697 平方呎，全屋電器及外牆都選用歐洲材料，岩晒黎天王口味。而黎明今次精挑細選位於2 樓的睡房家具，亦大部分來自法國及意大利，孖住女友有咁豪用咁豪。
床褥超彈
黎天王所揀嘅美國蓆夢思super king size 大床，有百幾年歷史，呢個系列與一般平民版有別，係美國總統指定床褥（右圖），並有上層特製軟膠設計，底層為專利彈弓，主打夠彈夠承托，配埋意大利Frette 真皮床架，豪住咁打橫打掂訓都得啦。
Simmons Super King 床褥$53,000
（6.8 呎×6.5 呎）
Frette 真皮床架$38,000
貴價夾萬
貴在全人手製造、特選至靚木材的Agresti 木製家具來自意大利，細至一個音樂盒都要盛惠7 萬蚊，12 萬一個15 盒式的首飾櫃連夾萬，岩晒用嚟放黎天王送畀Gaile 嘅首飾啦。
Agresti 首飾櫃連夾萬（意大利） $120,000
豪買床單
張床都近十萬蚊，床單都唔簡單，有「床界勞斯萊斯」的意大利Frette 床單連床
每套過萬，黎天王一入就入咗7 套。
Frette 床單 $70,000
作為Amusic 老闆的黎明，為涉藏毒仍被拘留日本的衛詩商討對策兼解話，其公司召開記招表明或會放棄衛詩兼終止合約前一日，上週三（4 日）黎明更躁爆黑面返公司跟衛蘭父女照肺，心情超差。
全屋大執
事出有因，除因孖女唔爭氣累事捲入毒海事件，更撞正黎明密鑼緊鼓為他與Gaile的上水雙魚河畔St.Andrews Place 的5,000 千呎三層獨立屋作最後裝置，公私兩忙人都癲。「間屋淨係裝修已經搞咗成年，全間屋要大執，重新入紙畫過個圖則。最近岩岩入咗伙，但因為Leon 要求高，差睡房嘅傢俬未搞掂拖到而家。」黎明身邊人透露。
認訓大床
週一（9 日）Gaile 久休復出行騷，拍住Ana R.同Lisa S.，同場仲有欣宜，佢仲話剛搬入上水豪宅，直認訓慣大床。
睇中即買
去年9 月，本刊率先拍得二人到中環名牌傢俬店「galerie du monde 」睇梳化，近日裝修到尾聲，上月初有目擊者見到黎天王孖住其室內設計師好友Tom ，到金鐘的連卡佛Home 買閨房家具，即場睇中了5 萬3 千元的Super King size 巨床（6.8 呎×6.5 呎），以及3 萬8 千元意大利「床界勞斯萊斯」的Frette 真皮床架及每套過萬的床單，單是超巨大床已豪使16 萬元。
「黎生一見到張油畫armchair 已經好鍾意，全世界只有幾張，可惜原本係displayonly ，佢即叫designer 搵經理傾，所以特別安排留畀佢。」全程不足一小時，黎天王已豪花36 萬元買睡房家具，準備豪裝新閨房同女友歎世界。
大字形訓
黎基戀拍拖三年幾，婚期一傳再傳，二人愛得癡纏更經常傳出Gaile 收山等嫁，但只聞樓梯響。
黎天王近日被衛詩激到紮紮跳，令二人進駐半億愛巢一拖再拖，「Gaile 一直好心急想搬，因為佢一向好鍾意郊區大自然環境，同埋佢近年都處於半退休狀態唔憂做，梗想疊埋心水做黎太㗎啦。」其身邊人透露。
近年沉迷藝術學畫油畫的Gaile ，安樂過闊太生活，頻頻放假，09 年首次露面只在2 月23 日以黎明嫂姿態，幫聯合國兒童基金會做嘉賓。到了本週一（9 日）才施施然復工，跟婷婷、Ana R.和Lisa S.行騷，直認鍾意訓大床：「大張嘅舒服嘅嘛，加上我鍾意大字形訓，費事踢到大家啦。」問她幾時請飲，佢笑咪咪話：「遲嘅先知啦！」
《蘋果日報》圖片
同黎明拍拖3 年幾，屢傅黎基婚訊，仲話二人舊年已喺馬爾代夫註冊，真假都好，Gaile 舊年已公開認頭：「我打算做多5 年modeling 就退休，希望做到Mrs Lai 啦。」
女友閒爆，黎明就為衛詩頭痕，連帶破壞佢籌備新愛巢，唔怪得上週三（4 日），佢返公司見衛蘭及其父親黑面躁底啦。
黎天王明知Gaile 鍾情油畫，睇中呢張來自法國Genevieve Levy 的armchair 非賣品，即特別安排預留送畀女友，連卡佛已列明「SOLD （已售）」（右圖），各位有錢都買唔到！
Genevieve Levy （法國）油畫armchair$69,800
Genevieve Levy （法國）咕臣×4$1,980 ×4 =7,920
油畫迷
修讀Fine Art 三年，主修油畫的Gaile 話收埋過百幅作品喺屋企，舊年仲捐部分畫作出嚟為四川遇難者籌款籌得12 萬港元，一定係受黎天王的公益心感染啦。
先收150 萬瑪莎拉蒂GT 黎天王一擲150 萬送架跑車畀Gaile 做生日禮物，一眾港男要學吓咩叫大手筆錫女友喇。
錫到
自從升級為天王嫂後，Gaile 亦升為一級名模，每個騷硬收8 萬以上，不過同黎天王打得火熱，明嫂10 萬8 萬都唔放眼內，年前突然停接job 到香港藝術學院學油畫，黎天王亦一改以往鬼祟拍拖格，同Gaile 高調拍拖，被本刊拍得在峇里及北海道等地預支蜜月。除07 年尾豪擲4 千8 百萬買入上水雙魚河的St.AndrewsPlace 獨立屋，舊年先送50 幾萬富貴七人車畀女友代步，28 歲生日時再送百五萬跑車大禮物，以Southern River Leon Limited 名義登記，由2 間英屬處女群島公司持有，難怪Gaile 早前已公開認定非明不嫁。
