謝安琪入行四年，終於在紅館舉行首個個人演唱會，心情當然興奮，不過她興奮之餘也不忘要照顧最近涉嫌藏毒的關楚耀（Kelvin ），認真有義氣，她表示希望能在演唱會中與他合唱《四面楚歌》，請大家給他一個機會，如果Kelvin 未能與她合唱，她寧願放棄不唱此曲。
謝安琪（Kay ）將於5月8至10日假紅館舉行一連三場《好多謝安琪吶喊演唱會2009》，昨日在金鐘舉行記者會，Kay 表示還未想到要邀請誰做嘉賓，提到會否邀請最近涉嫌藏毒的關楚耀（Kelvin ）？Kay 坦言：「其實我哋有首合唱歌叫《四面楚歌》，一開始搞演唱會已經係諗住同佢一齊唱，因為呢首歌氣氛好好，我心里邊梗係希望同佢一齊唱，我嘅演場會喺5月，希望到時佢可以演出。」
「希望畀個機會佢」
關楚耀涉藏毒，謝安琪直言當關楚耀如親弟弟，有意與他同台助他重回正途。資料圖片
對於有否擔心因有Kelvin 會影響演唱會反應，Kay 並不擔心說：「佢就好似我屋企一個細佬咁，細佬出咗事，又點會忍心踢佢出門口呢，而且仲可以帶到好嘅訊息畀年輕人，有時會有錯誤嘅決定，只要身邊有長輩帶返佢行正途，唔會太困難，希望大家都畀個機會佢，佢一向都好乖仔，我相信佢都會為自己嘅錯誤自責。」阿Kay 非常有義氣，表示如果Kelvin 未能和她合唱，作為家姐的她，會選擇放棄不唱此歌，問到會否與老公張繼聰夫妻檔上台？她笑言：「佢喺我身邊我會怕醜，我寧願見唔到佢。」囝囝就要視乎情況才決定是否亮相，她也怕會被囝囝影響演出。採訪：胡比 攝影：仇志德
謝安琪宣佈5月登紅館開個唱，不過未必會與老公同場。
大批唱片公司高層到來撐謝安琪，預祝個唱順利。
http://appledaily.atnext. ... art_id=12467952
