市道唔好，食肆推出1蚊優惠希望吸引多啲顧客，稻香集團就賣1蚊一隻雞，大件夾抵食，但有網民就話係呃人嘅，仲言之鑿鑿喺網上狂插：「朋友去稻香齋食1蚊一隻雞，配兩碟薑蓉，埋單變咗$99，計法係先收隻雞原價$100嘅加一費，即係$10，再加$1雞價，薑蓉每碟$40及加一，條方式係$11＋$44＋$44＝$99。」睇完呢位網友嘅經歷，好多網民都「嘩嘩聲」，狂鬧稻香搵笨！
誓神劈願絕無取巧
小妹聽到咁搵笨，星期日同屋企人去開稻香集團旗下嘅客家好棧晚飯，都唔敢叫1蚊雞，但埋單過陣都係忍唔住口質問經理「1蚊一隻雞」呢單嘢，諗住踢爆無良手法。經理即時扯火：「你梗係睇咗篇網上謠言啦，係啲行家惡意中傷，我哋咁大間集團點會用呢啲
渣招！」過位經理越講越
，誓神劈願話1蚊一隻雞絕無取巧。小妹見佢
到辣雞，都費事駁嘴，返到公司向稻香集團查詢，發言人話1蚊一隻雞堅過石堅，光顧旗下稻香、迎囍，最低消費叫一隻雞$1，加$8茶芥，再加一，條方程式係$1＋$8＋$0.9＝$9.9。而光顧客家好棧、潮館，只收$1蚊雞價，不收任何附加費。搞清楚件事都安樂啲，因為如果咁大間集團都呃人，香港市道仲點會有救呢？不過小妹當晚誤信網上謠言，冇享受到1蚊一隻雞著數優惠，而家都仲好激氣咋！周日刊出電郵：mailto:shoppingjing@appledaily.com
姓名：Shopping 精性別：女年齡：年年24歲興趣：行街買嘢、吃喝玩樂、做高溫瑜伽
