《男生圍》當全宇宙最好打的人，遇上一代宗師個仔，以詠春黐手過兩招，產生出來並不是《風雲》漫畫里的破壞力，而是識英雄重英雄的男兒本色。甄子丹和葉準的關係亦師亦友，葉準已表態力撐甄子丹演出《葉問》第2及第3集，以發揚詠春精神。85歲的葉準，或許已沒有踩三輪車的衝動，但心里可能在想：「甄子丹，你快點出手吧！」撰文：比華利
甄子丹去年憑主演詠春宗師電影《葉問》大獲口碑，也是他從影以來首次角逐金像獎最佳男主角，該片同時獲12項提名，甄子丹認為可以演活一代宗師葉問這個角色，葉準居功不少，全因他為電影擔任顧問，提供葉問鮮為人知的生平事跡。甄子丹和葉準惺惺相惜，《葉問》今年7月乘勢開拍第2、3集，雖然故事大綱會放在葉問徒弟李小龍身上，但同時也會交代葉問從佛山來港定居和設館授徒的情況。甄子丹日前到太子的詠春堂探訪葉準，二人的話題當然離不開葉問，甄子丹率先向葉準了解其父移居香港的生活，為新片預先做功課。
「試過暈倒街頭」
葉準和甄子丹在葉問的肖像前留影。
葉準表示其父初來港時，生活刻苦不為人知，他說：「阿爸當年嚟香港，都捱咗好多日子，因為落難又窮困，佢初嚟甫到，只係喺欽州街一間廟度落腳，佢仲試過暈倒街頭，又冇親人喺身邊，咁樣好難生活落去，好彩遇到一個喺飯店做嘢嘅朋友，介紹咗阿爸喺飯店職工會教拳，慢慢生活先至安定落嚟。多年之後，佢先接我同媽媽落嚟團聚。」除了練功之外，葉準大爆父親愛吃消夜的習慣，他說：「阿爸好鍾意食牛肉，佢為咗食新鮮牛肉，成日凌晨去屠房等買新鮮牛肉，買到返屋企就叫醒阿媽起身同佢煮消夜，我過時好細個，因為
咗覺就冇得食。」
「李小龍人品好」
一代宗師葉問（左）當年指點徒弟李小龍詠春黐手。
坐在身旁的甄子丹聽得入神，他說：「稍後《葉問》續集就係會圍繞呢啲劇情，我仲會演葉問到老，到時我又要為部戲減肥。」甄子丹去年演《葉問》時，為了令外形神似，刻意減肥，甚至一天只喝一杯水，令體力嚴重透支，他戲內戲外猶如葉問上身，還被太太汪詩詩取笑黐線，他說：「老婆猛話我唔係佢老公。」葉準幽默地說：「天才與白癡真係一線之差，你係拍得投入啫。」葉準稱讚甄子丹拍攝《葉問》時，不但虛心受教，最令他激讚的是其認真的工作態度，葉準說：「子丹接演咗呢部戲時，佢要練打木人樁，特別喺佛山訂咗兩座，一座放喺屋企練習，另一座就跟住佢喺內地走景拍攝，唔係講錢嘅問題，而係每座木人樁最少200磅，佢呢顆投入嘅心，真係冇人可以比。」葉準與《葉問》導演葉偉信討論劇本時，葉偉信會錄音方便記錄，甄子丹也有一份拷貝，他在拍攝期間，每晚就在房間播放細聽，務求把自己洗腦，完全投入角色。《葉問》第2、3集焦點會落在葉問與徒弟李小龍的關係上，問葉準對李小龍印象如何？他說：「大家係師兄弟，佢人品好好，平時喺武館見到會打招呼握吓手，但大家其實各有各忙，但佢真係喺世界打出名堂。」對於李小龍和甄子丹的身手，葉準覺得怎樣？他說：「大家都係真功夫，但始終時代唔同，冇得比較。」對於能與一代功夫巨星李小龍相提並論，甄子丹謙虛說：「唔好比較啦，我好欣賞李小龍嘅身手，真係冇人可以取代佢。」談到早年愛拍功夫片晒身手的成龍，葉準卻說：「佢搞笑啲。」
教偉仔開拳招式
梁朝偉（左）02年跟葉準學詠春開拳招式。
王家衛拖了7年，已定於6月開拍的《一代宗師》會安排梁朝偉扮葉問，始終有甄子丹珠玉在前，偉仔難免要承受被人比較的壓力，他早前曾跟葉準學習詠春，有指他學了8小時便表示學識，葉準澄清說：「我只係教過佢開拳，我知佢而家搵咗另一個師傅學習，但呢位師傅都係葉問徒弟。」對於偉仔日前自稱為了練好體能投入拍攝《一代宗師》，天天邀請師傅回家替他操練，偉仔自爆師傅為了令他抵得痛，曾用一支包了布的棍打他，不但打到啪啪聲，還令他周身瘀痛。問到葉準當日可曾用過這個方法鞭策甄子丹練功？他笑說：「我冇用過呢個方法。」葉準覺得父親葉問留給他最寶貴的遺物是甚麼？他說：「冇嘢比詠春拳更珍貴，我最希望可以將呢種武術發揚光大。」訪問期間，詠春堂內正有10多名弟子在練功，他們看見甄子丹，即席要求他與葉準示範詠春黐手招式，其後大家又爭著與甄子丹切磋武藝和合照，他有求必應。
「38歲學詠春唔算遲」
葉準是一代宗師葉問的兒子，但卻未近水樓台先得月，他表示7歲學過詠春後發現興趣不大便停止，加上父親葉問移居香港，他卻隨母親與弟妹留在佛山生活，沒有父親督促下更疏於練習，後來做了會計，直至1962年來港才繼續跟父親學拳，葉準說：「坦白講，做會計賺錢不多，嚟咗香港我便全心投入學拳同教拳。」
習武培養品德
葉準正式學詠春時已38歲，他說：「都唔算遲，但最佳嘅學習年齡係15、16歲，呢個年紀思維同領悟力都強。但唔代表大個學唔得，最緊要係全心投入同勤力。」葉準指學詠春有3大優點：「除咗係功夫，仲可強身，學武對性格培養都好有幫助。」現年85歲的葉準正好是個人辦，他聲如洪鐘說：「你睇我咁嘅年紀，企喺度條腰都直過人。」
小八卦：粉墨登場飾演葉問
葉準（圖左）
知子莫若父，知父也莫若子，葉準與父親葉問感情很好，每當有以葉問為題材製作的電影或劇集，片商為求拍出真實感，都會邀請葉準提供資料，其中也有製作人為求逼真，更安排葉準粉墨登場，他先後於1976在吳思遠執導的電影《李小龍傳奇》（圖）和1999年電影《1959某日某》兩部戲中扮演父親葉問。
解構《葉問》劇情真偽
甄子丹
飛主演的電影《葉問》，中港兩地票房高達1.5億，票房口碑俱佳，擔任該片顧問的葉準指整齣戲的情節只有3分之1是真實，其餘3分之2是虛構和誇張了。
以一敵十打日本人
虛構
葉準：電影中講葉問同日本人喺道場較量，以一敵十過幕係虛構，我阿爸從來冇同日本軍人比過武。其實當年日本人係知道我阿爸武功好，曾經邀請佢做武術教練，但佢就避免同佢哋比試，搵機會避開佢哋。
一手擰爛警察手槍
事實
葉準：呢個係事實，件事發生喺我阿爸未結婚之前，佢真有其事擰爛槍管，因為其後過個警察親口同我講番呢件事。
葉家大宅成比武場
葉準：記得細個住過間屋，比劇情拍出嚟嘅大好多，當年真係有好多人成日嚟屋企同阿爸切磋武功，但因為屋企空間太大，就算點比試，根本都冇機會打爛嘢。其中有一場講小孩嘅我踩單車出場睇阿爸打交，當年邊有呢啲單車玩。
事實
虛構
落難當礦工養妻兒
虛構
葉準：阿爸係因為戰亂嚟咗香港，但佢冇好似劇情講咁去做過採煤礦。
熊黛林有葉母影子
事實
葉準：我媽媽真係高過阿爸，熊黛林扮我媽媽真係好神似，特別係佢演到過份大家閨秀嘅氣質，好有修養，我睇完套戲都覺得可以喺熊黛林身上搵到我媽媽嘅影子。
葉準（左）和甄子丹兩強相遇，即場黐手過招。攝影：仇志德
http://appledaily.atnext. ... art_id=12465705
