上月中，衞志豪拖實有錢女友Lokman 到銅鑼灣食魚蛋粉，埋單只係幾十蚊，收入唔多的衞志豪都俾得起。
近幾年，李珊珊與有線主播衞志豪經常被影到孖住夜蒲，更一度被指是女方同錢嘉樂分手的導火線，不過，李珊珊卻公開闢謠：「下世輪迴先有機會！」二人關係，純屬岩玩岩傾。
做了多年觀音兵，三十六歲的衞志豪正印女友原來是比他細十年，身家過億的千金小姐，憑住
女口技兼細心，力追幾個月，終成功搞掂電器商冼緯中千金Lokman ，女方家族資產以億計，年前曾以四千多萬購入哥哥張國榮位於[龜背灣的舊居，屬有米族。
掂有錢女的衞志豪，將啜爆親密照放在Facebook 公諸同好，晒得就晒。
衞志豪搭上Lokman （右）後，出入全以寶馬代步，富貴晒！
樂做觀音兵
稱得上是有線娛樂台開台元老，一直任職主播多年的衞志豪（Michael ），因工作與校長譚詠麟、明星足球隊員等人關係密切，其中與李珊珊更因嗜好相近，鍾意夜蒲鍾意睇波，即使當年李珊珊與錢嘉樂仍未甩拖，兩人亦從不避嫌，經常孖住玩。
Ｏ六年，李珊珊與錢嘉樂感情亮紅燈，衞志豪因被影到與女方睇波而傳出緋聞，同年底，李錢八年情正式宣布玩完，衞志豪名正言順做觀音兵，傍住李珊珊吃喝玩樂。
「其實珊珊同Michael 一直都只係friend ，大家都鍾意玩同埋睇波，成日約埋一齊去玩，Michael 成日俾人話係觀音兵，但佢哋都唔介意，當做宣傳囉。」衞志豪身邊好友說。
衞志豪與Lokman 拍拖一年多，經常孖住夜蒲，還將啜爆親密照放facebook 中晒命。
力溝有錢女
挨身挨勢的衞志豪亦樂於在傳媒面前繼續同李珊珊扮情侶，去年出席友人生日派對，李珊珊主動拖實衞志豪，無非是向剛與湯盈盈撻喺的錢嘉樂擺姿態。二人交足戲，但私底下的感情生活其實各自精彩！
兩年多前，衞志豪認識了電器商冼緯中愛女Lokman ，由於女方條件好，一直被視為筍盤，不過溝女有一手的衞志豪，日日sms 傳情，成功得米。
「佢哋係朋友介紹識嘅，Lokman 一路以嚟都好多人追，Michael 追佢嘅時候都有幾個男仔一齊爭，雖然係千金小姐，不過Lokman 唔介意男友搵得少過佢，就算平時一齊去食平嘢都無所謂，佢就係鍾意Michael 對佢夠細心。」知情者說。
出名鍾意踢波的衞志豪，與李珊珊同樣鍾意睇波，更因加入明星足球隊而與校長譚詠麟稔熟。
衞志豪在有線娛樂台任職主播多年，因工作關係認識唔少圈中女星，好識靠把口
女的他，甚有異性緣。
衞志豪除擔任有線主持外，工作量不多，因此可經常孖住有米女友四圍去。
Lokman 父親冼緯中，是「港九機械電器儀器業商會」會長，身家逾數億元，03 年更以4,180 萬購入大潭道60 號獨立屋，哥哥張國榮生前亦曾住在這單位。（《忽然1 周》圖片）
食平嘢揸靚車
據了解，父親從事電器等生意的Lokman ，家族資產以億元計，其父冼緯中Ｏ三年便以四千一百多萬，購入哥哥張國榮位於大潭道六十號的獨立屋舊居。現時在父親公司幫手的Lokman 為家中次女，她深得父親疼愛，絕對是要乜有乜。
衞志豪自與Lokman 撻喺後，出入都揸女友靚車做柴可夫。上月廿一日午夜十二時，運動裝打扮的衞志豪放工後，即揸住女友的黑色寶馬由荃灣駛至比華利山，接了一名身穿康宏晨曦波衫的男性友人後，再揸車落銅鑼灣接在Basement 的女友，二人先送同行男性友人到半山豪宅Mayfair ，再踩返落銅鑼灣食魚蛋粉。埋單幾十蚊，由衞志豪找數，之後拖實女友到附近嗱車，再送對方回家。
「Michael 同Lokman 拍咗拖之後，出入就成日有靚車揸，唔係寶馬就係Benz ，Lokman 鍾意夜蒲，佢哋成日去洪天明個場（Basement ）玩，佢哋好公開，從來唔介意當眾又攬又錫，又將嘅嘴晒嘅相放喺Facebook 任人睇，所以大家都知Michael 同李珊珊嘅緋聞係流料。」知情者說。
（《蘋果日報》圖片）
李珊珊與衞志豪的緋聞傳足幾年，07 年女方30 歲生日，更在記者面前公開拖實男方。（《忽然1 周》圖片）
衞志豪與李珊珊的緋聞只為宣傳，故男方亦毫不避忌將二人逛超市的生活照放上fackbook 任人睇。
錢嘉樂未與李珊珊分手前，明知女友同衞志豪的緋聞只屬流料，故不介意三人齊齊合照。（《忽然1 周》圖片）
珊珊觀音兵
衞志豪在有線效力多年，現在娛樂新聞台任主播一職。因經常採訪藝人而與圈中人稔熟，亦是明星足球隊的成員之一。02 年，曾與莫文蔚合作拍攝《夕陽天使》。06 年與李珊珊一起欣賞球賽而傳出緋聞，錢嘉樂更直指他是觀音兵。
歐陽震華
吳家樂（《蘋果日報》圖片）
娶個有錢女
嫁入豪門，並非女星專利，圈中不少男星亦搵到有錢老婆及女友，完全唔憂做。
歐陽震華
歐陽震華太太傅潔嫻是前澳門賭王傅老榕之孫女，傅家曾名列香港四大家族之一，估計家族資產有80 億，二人於1996 年在加拿大秘密結婚，至98 年才正式承認。
吳家樂
吳家樂於06 年與其士集團主席周亦卿的女兒周蕙蕙結婚，周家坐擁50 億身家，雖然被指竹門對木門，但二人婚後積極造人，三年抱兩。
