日本女星黑木美沙在漫畫真人新片《舞吧!昂》中扮演天才舞者，該片由香港導演李志毅執導，他日前在港接受訪問時，自爆與攝影師在拍攝時被黑木搞到眼濕濕，因為她為影片付出的毅力，直迫故事中的女主角。本月18日在港上映的新片《舞吧!昂》中有大量舞蹈場面，尤以芭蕾舞為甚，黑木美沙須在短時間內由不懂芭蕾舞變成專業舞者。
黑木美沙在新片《舞吧！昂》中
身演出，令導演及工作人員深深感動。
黑木美沙由不懂芭蕾變成專業舞者，當中下過一番苦功。
嘆日本人難合作
李志毅對黑木的毅力感到非常訝異和感動，他說：「片中有一場芭蕾舞係群舞，事前我對黑木講，不如只拍佢上半身，腳尖跳舞嘅部份就由替身做，因為呢個動作係要長時間受訓芭蕾舞嘅人先可以做到。佢照樣嗱咗對toe shoes 返屋企練習，我唔知佢練成點，但正式拍攝時，黑木居然可以自己用腳尖跳舞，當時我同攝影師感動到眼濕濕，全組人都拍手歡呼。」《舞吧!昂》是李志毅繼《不夜城》後再度與日本電影人合作，問他今次工作會否比較順利？他以足球比賽作譬喻：「同日本人工作從來唔會容易，有咗《不夜城》嘅經驗，只會令我明白佢哋有幾難合作，不過今次套片主要係喺日本同上海拍攝，上半場佢哋做主場會惡啲，下半場喺上海拍變咗唔係佢哋地方，佢哋會縮番下，對我嚟講會好好多。」原來片中有不少關於日本的廠景均是在上海拍攝，李志毅說：「除咗套片後半部喺上海比賽嘅場面之外，片中黑木嘅師傅桃井薰經營嘅日本夜總會，其實係喺上海搭出嚟，佢哋都係去上海拍。」採訪、攝影：張一明
正為《舞吧！昂》趕後期的李志毅，日前現身大談拍攝的苦與樂。
