曾志偉前晚放開獎門人身份，親自組隊落場玩《鐵甲無敵獎門人》，他在「人肉呼拉圈」環節中做躉捧起素有「長腳蟹」之稱的呂慧儀，因二人身高相差懸殊，呂慧儀腳長轉極也腳冇離地，被兩位嘉賓主持譚詠麟、吳君如質疑犯規！志偉反擊逼阿倫落場玩，阿倫推搪說：「唔好意思，我家庭壓力大，心血少呀！」才得以甩身。
君如反而要求同孟瑤玩，一試做男人的滋味，她邊玩邊騎騎笑：「真係猛咁搖呀，不過你條腰好粗。」君如事後添食同錢嘉樂再玩一次，她伏在嘉樂背脊上問：「你有冇畀嘢『銀』親呀？」嘉樂卻說：「我成世人未試過畀人起釘，今日就畀人起咗兩個釘！你返去同陳可辛如果行唔埋，你唔好返嚟話係我呀！」
志偉起勢轉呂慧儀，長腿的她，雙腳始終未能離地。
吳君如同孟瑤玩，玩到騎騎笑！
阿倫與賈曉晨玩啜乒乓波。
