周慧敏（Vivian ）噚日喺尖沙嘴出席慈善活動，最近被傳懷孕嘅佢著住條鬆身裙，腰間有條好粗嘅腰帶，仲不時用手遮肚。有記者直接問佢係咪有咗，Vivian 話：「都傳過好多次，之前唔係，今次都唔係，真係冇BB ，都冇計劃，我平時都有著鬆身衫，其實我唔係咁鍾意著太窄嘅衫。」Vivian 去過內地探訪小朋友，問佢唔會有衝動想生番個咩？佢話：「唔一定要自己擁有，出錢出力都得，而家同以往都一樣，真係冇諗過要BB 。」睇嚟佢意志都好堅定喎。
Vivian 同倪震結婚後，而家將家庭放喺第一位。資料圖片
對於張茆殺入娛樂圈，Vivian 冇任何意見。資料圖片
月底會歌迷
有指Vivian 因為形象問題，俾楊千嬅取代佢做護膚品牌代言人，Vivian 話：「我同千嬅係唔同line ，我之後繼續有廣告要拍，但係乜就唔講得住。」問佢會唔會開演唱會？佢話：「其實我岩岩結婚，應該家庭第一位，如果唔係對另一半好唔公平，不過呢個月底都會同歌迷聚會，當係紀念入行20年，等我準備好完全投入工作嘅時候，就會再做。」對於曾跟倪震啜爆嘅張茆殺入娛樂圈，Vivian 只講咗句：「我冇comment 。」實行低調帶過話題。
Vivian 著住鬆身衫同高踭鞋，不過佢強調冇大肚，仲話平時都有著鬆身衫嘅習慣喎。
from
http://appledaily.atnext. ... art_id=12421710
