幾年前以後宮鬥爭為題材的無線劇《金枝慾孽》大收旺場，最近無線再開拍類似的宮廷戲《攻心計》，昨日劇中主角佘詩曼、陳豪和楊怡等在將軍澳電視廣播城古裝街拍攝一場群戲。
阿佘演大好人
佘詩曼昨日跟陳豪埋位前有講有笑，阿佘自爆在劇中演大好人。
在劇中扮演大好人的佘詩曼，又名三好，她說：「係呀！我係好好，三好即係做好事、講好話、存好心，同楊怡係兩姊妹，佢個人就好敢言率直，所以初期喺宮入面成日得罪人，我就成日幫佢頂，今日拍過場戲，就係話我哋為咗幫米記（米雪）同菊姐（關菊英）向太后求情，所以今日都跪咗成日，楊怡最後忍唔住多嘴，頂撞太后身邊嘅人，差啲俾人用針線縫埋個口。」劇情發展下去，楊怡漸走歪路，變成大奸角。楊怡在劇中因為敢言率直，在宮廷常遭虐待，她說：「我就係乜都講，成日得罪人，我自己都好唔鍾意宮入面嘅人，今次差少少俾人縫埋個嘴，上次就俾人打到口腫面腫。」採訪、攝影：楊潔雯
楊怡（左）在新劇中飾演坦率敢言的後宮佳麗，險些被人縫嘴。
from
http://appledaily.atnext. ... art_id=12421648
