回復單身嘅傅明憲近年感情生活多姿多采，經常都被影到夜蒲，身邊男伴好似車輪轉，不過同佢傳得最熱辣辣嘅非莊氏集團太子爺莊家彬莫屬。唔知係咪太多緋聞纏身，傅明憲近來積極行善，幫到人之餘又可以洗底，一舉兩得。噚日傅明憲以愛護動物協會會長身份，到迪士尼出席救救狗狗慈善步行日，佢帶咗四隻愛犬嚟參加，佢話：「而家我有四隻狗，其中一隻叫西蘭花，佢有心臟病，所以平時我好似照顧老人家咁照顧佢。」除咗擔任愛護動物協會會長，傅明憲亦幫手參與香港芭蕾舞團嘅公益活動，認真熱心。問傅明憲早前又俾人發現同莊家彬去派對，佢話：「冇乜好講，我近年生活都OK ，但影到是非就唔講。」
阮小儀（右）同朱薰人仔細細，估唔到佢哋養嘅狗仔一樣咁細隻，相映成趣。
羅寶文一向都係愛狗之人，對所有愛犬都如寶貝仔女。
羅寶文舉家捧場
同場嘅羅寶文就同媽咪及三個工人，帶咗五隻愛犬出現，佢話之前隻狗生咗BB 諗住送畀人，但始終唔捨得，佢媽咪都俾佢感染到好鍾意狗，羅寶文話：「媽咪就算俾狗仔咬都冇怨言，佢真係好瘋狂。」
傅明憲身為愛護動物協會會長，身體力行帶同愛犬出席慈善步行。
http://appledaily.atnext. ... art_id=12399922
