劉德華與女友朱麗倩拍拖24年，早前傳出兩人於4月6日在大馬結婚。昨日華仔首度現身為婚訊及女兒傳聞解畫，他一再強調現時未婚兼沒有子女，但問到4月6日是否大喜日子，華仔即大賣關子故弄玄虛，指自己前一天仍要忙於做巡迴演唱會，但當日會否現身大馬則不得而知。
兩年沒有推出新碟的劉德華，昨日隆重其事，在黃埔街頭舉行「劉德華LOVE HOPE 簽唱會」，吸引過千fans 到場支持。華仔在場大唱冧歌，又與fans 玩遊戲，心情勁靚。
華仔拿著玩遊戲用的性感低胸裙，搞笑地披在身上，還露出一副風騷表情。
朱麗倩和華仔拍拖近24年，一直默默成為華仔背後的女人。資料圖片
唔提朱麗倩
華仔在簽唱會上拖著一班小朋友出場，看來的確甚有慈父風範。
有報道指華仔將在4月6日於大馬與拍拖24年的朱麗倩秘密擺喜酒，日前兩人更被拍到與女方家人在大馬共聚，華仔坦言：「我都有睇過，我講咗好多次，如果有人信，佢哋就繼續信，其他唔可以講太多。」華仔又發現在網上有人指他借結婚宣傳新碟，他強調：「我從來唔會嗱呢啲事宣傳。」對於女方家中似為婚嫁作準備，華仔堅持說：「我唔回應，我可以講個細路唔係我仔女，我冇結婚，希望人哋明白，選擇信就信，唔信就多謝佢哋。」對於今次事件會否影響身邊人，華仔風騷說：「你哋唔好理我啦！」又謂今次事件沒有影響心情。至於現時華仔與朱麗倩屬於甚麼關係，華仔即說：「呢個唔可以答你。」被一再追問是否好事近，華仔始終守口如瓶：「如果結婚話畀大家知。」記者再追問華仔4月的行蹤，他指自己今個月和4月會到內地做巡迴演唱會。被問到4月6日會否現身大馬，華仔頗大反應說：「唔會啦！」繼後支吾以對說：「我唔知道，我唔可以話畀你聽會唔會喺過度出現，因為我自己都唔知！」據華仔官方網頁的資料，華仔將於4月5日在江蘇省常州的常州市奧林匹克體育中心舉行演唱會，10日則移師到湖南省長沙的長沙市賀龍體育中心演出，不知華仔會否趁空檔趕回大馬結婚？
冇女星引誘
吳君如在節目《星星同學會》中，向華仔細語說出誰是「集郵女星」，華仔澄清說：「當時君如喺我耳邊真係冇講任何嘢，我自己都係一個演員，做出反應只係希望有個效果。我唔知有集郵女星嘅事。」對於曾否遇女星主動引誘，華仔自嘲：「我個人咁正直同古板，從來冇見過。」採訪：張俊銘 攝影：仇志德
華仔昨日在黃埔舉行簽唱會，近千fans 把整條街逼得水洩不通。
http://appledaily.atnext. ... art_id=12399858
