張舒雅雖有港姐冠軍名銜，卻鮮有履行職務，分分鐘不能為下屆冠軍加冕，傳將代替其位置的陳倩揚，昨日與馬賽及高海寧出席活動時表示：「我未收到通知，嚟緊都係做好海外招募。」此外，她們前晚出席保良局慈善餐舞會時，更大讚張舒雅樂觀認真及勤力，不相信報道所言。而張嘉兒則坦言能為港姐加冕是光榮的一刻，就算自己病都會頂住。
爆張舒雅撈
陳志雲前晚出席活動時亦表示：「大家都知卸任港姐會繞場一周及講述過去一年嘅職務，但佢（張舒雅）呢一年因為病出席唔到好多活動，所以有人提出呢個意見。」他又語帶雙關地說：「早兩日先收到佢嘅電郵，話可以開始準備考慮接受一啲輕嘅工作量，我哋回覆好感謝佢仲同公司聯絡，會睇吓有乜嘢合適工作畀佢！」
而袁詠儀談及張舒雅一事時，即衝口而出謂：「邊個張舒雅？哎
！我其實都有留意單新聞
。」她又指當選香港小姐後面對沉重壓力是必然的，想當年自己也曾試過詐病，不過做人要學懂適可而止。
高海寧（左起）、陳倩揚與馬賽力撐張舒雅樂觀認真。
