梁詠琪（GiGi ）已有兩年沒有出唱片，故對於即將推出的國語碟，自然全力反撲；不少歌手都會借緋聞、舊聞、舊愛傾力推銷務求製造話題。不過GiGi 沒有這樣做，舊愛鄭伊健亦只是輕輕帶過，她說：「過去嘅傷痛就好似一道疤，你唔去想佢諗佢，呢道疤就會更快癒合。」撰文：何永寧
對於梁詠琪的fans 來說，她這兩年的工作可謂不進則退，各大唱片頒獎禮完全沒有出席，更遑論捧獎。轉投新公司後，即將推出的國語大碟《禮物》，對不少歌手而言可謂背城借一全力出擊，管他真聞、假聞、傳聞，能見報就是好新聞，就此而言GiGi 的舊愛鄭伊健順理成章成為好「幫手」，GiGi 沒有這樣做，她解釋說：「過去嘅傷痛就好似一道疤，你唔去想佢諗佢，呢道疤就會更快癒合，最近睇緊一部書《The Present 》里面有一句令我有所領略，原文係『the present is the present 』即係話目前擁有嘅已經係最好嘅禮物，有感而發所以寫咗《禮物》呢首歌，教人珍惜目前，能夠從過去中學習，你先能夠放下你嘅過去；對過往嘅事點放低，就會決定你將來嘅路點走。」
梁詠琪和鄭伊健拍拖多年最終分手收場，情傷對她來說是一道疤痕。 資料圖片
GiGi 加盟新公司實行要在事業上再度出發。 資料圖片
自嘲落難公主
不少人都借戀情來宣傳，但GiGi 只輕描淡寫地帶過舊情。
沒有了鄭伊健這個助力，一切就要靠自己，付出亦會更多。在舊公司儼如小公主，一切自有旁人關顧，只要到時到候埋位就可以，轉了新公司後不少事都要自己張羅，GiGi 笑說：「新舊公司好，我都唔覺得我係小公主，就算係都係流落民間過種。新公司其實畀咗好多資源我，我親力親為參加製作係想試吓唔同嘅working mode （工作模式），可以刺激你去變、去諗更多意念，得著係知道好多嘢都係得來不易，而錢係永遠都唔會夠用。」GiGi 表示這趟為新唱片擔任形象設計及美術指導，令她感到最吃力的莫過於要應付每日大量的電郵及照片。不過始終有兩年時間沒有新碟面世，對於善忘的香港樂迷，她的苦心當然可以理解，GiGi 說：「緊張都會有，不過唔擔心，當然希望受歡迎啦，亦都想佢哋知道呢張係我嘔心瀝血嘅作品，唔好上網非法download 呀。我相信啲fans 都比較長情，唔擔心佢哋善忘。」對於有段時間較少在香港出席活動，GiGi 承認有較多時間留在內地，因為當地市場較大，機會亦較多。
有伴不愁寂寞
除了伊健，GiGi 曾被影到和外籍猛男約會。 資料圖片
自從跟鄭伊健分手後，GiGi 只短暫出現過一位法籍男朋友，大家都不期然關心她情歸何處，但她輕描淡寫表示順其自然，她說：「總之生活愉快舒舒服服生活就好，感情上都係要嚟就嚟，緣份好重要。」GiGi 謂愛情外更重友情，她說：「有一班朋友會每一年都聚一次，過一日會乜嘢工作、幾多錢都唔接，公司都知道，錢賺唔晒，好朋友唔係咁易搵到。」此外，她還有不同的飯局夥伴跟旅行夥伴，所以就算感情暫時落空她都不愁寂寞。攝影：陳順禎場地提供：中環麗柏酒店化妝：Johnathan Y髮型：Ziv Y of 04Orient 4Group服裝：Marc by Marc Jacobs
GiGi 目前看淡感情事，全力專注事業。
http://appledaily.atnext. ... art_id=12391429
