Angelababy 因在日本Avex 的面試中表現拼搏，氣質又有幾分似Avex 旗下的安室奈美惠，故最後打敗Kama 簽約5 年。
近年冒起嘅一班𡃁模競爭激烈，個個都絞盡腦汁出招搵食。為拓展事業版圖，𡃁模一姐Angelababy 同邦民女Kama 先後以外勞身份闖日發展。近日，兩人更爭泊日本最大娛樂公司Avex 碼頭，先後赴日面試。
雖然早前有傳Kama 成功截擊Angelababy ，被日本Avex 睇中，但實情是Angelababy憑其鬼鬼地外貌，鍊贏Kama ，成功取得Avex5 年合約，做安室奈美惠師妹，在這場𡃁模日戰中先勝一回。
雖然爭輸Avex 合約，但Kama 仍未氣餒，繼續喺日本爭取機會。下月她便到日本同當地名模土屋安娜齊齊行騷。
去年11 月，20 歲的Angelababy 成功殺入日本市場，並當上日本雜誌《Dear 》專屬模，繼而被安排喺當地廣告公司密集試鏡。而19 歲的勁敵Kama 為狙擊Angelababy ，自行鋪橋搭路，上網向日本模特兒公司敲門自薦，並於今年1 月赴日試鏡。結果兩位𡃁模喺埋同一條褲，既先後被當地OL 潮流雜誌《Ray 》睇中做專屬模，更有幸獲濱崎步同安室奈美惠所屬經理人公司Avex 垂青，同被安排試鏡。
之後Angelababy （右）和Kama （左）被安排同坐一行，都一樣唔瞅唔睬。經過日本交手一役，兩人更加唔妥。
鬼鬼地取勝
由於Avex 只想二選其一，令Angelababy 和Kama 變成有你無我之爭，故面試時兩人都施展渾身解數，結果Angelababy 在Avex 大老闆松浦勝人得力助手野中雅義（Masa ）親自欽點下，成功簽約。
「Angelababy 之前出過網上電子寫真集，所以Masa 先生已經對佢略有印象，加上佢嚟試鏡時有喺三點式，令人覺得佢好搏。而Kama 試鏡時都好戮力，喺鏡頭前狂sell 甜美笑容，但就唔肯喺三點式，所以蝕底。Masa 雖然覺得Kama 個樣幾甜幾清純，不過佢都係鍾意有4 份1 德國血統、個樣生得鬼鬼地嘅Angelababy ，Masa 覺得佢氣質有幾分似佢哋愛將安室奈美惠，外形較岩日本市場，所以最後揀咗佢。」知情者說。
2 月中Angelababy 到日本為當地時裝品牌Feroux 任代言人，拍攝廣告照。
拍日劇電影
據知，Angelababy 將影視模三線發展，不會當歌星。知情者說：「因為Angelababy 試音時五音不全，所以Avex 想佢繼續model 工作，兼且同時拍日劇同電影。」
簽了五年賣身契的Angelababy ，將於三月中開始，長留日本受訓半年。Avex 已準備好連串力捧大計，首先安排Angelababy 與Avex 關係友好的兩大品牌Shiseido 及P&G 面試，若成功的話，Angelababy 可繼伊東美
同名模土屋安娜一樣，拍完Shiseido 廣告後，一登龍門聲價十倍，有助她進軍日劇同影壇。原來早前在國際影壇備受矚目的電影《赤壁》，及之前由梁朝偉、金城武主演的《傷城》、周杰倫《不能說的秘密》，Avex 均有份投資，Angelababy 受訓完畢亦會參與演出Avex 有份投資的電影，可謂前途無限。
Kama ：唔羨慕佢
本周二（24 日）Angelababy 和Kama 同場出席活動，對於鍊贏Kama ，Angelababy 似乎不敢張揚，只說：「公司幫我搞緊，我唔方便講。」而Kama 則死撐說：「無話唔忿氣嘅，各有各做啫。我唔羨慕佢俾Avex 睇中，況且Avex 仲未同我正式傾，未必冇機會。」
雖然Kama 輸咗俾Angelababy ，但在日本亦有好的開始，下月7 日她將為日本最大型時裝騷「Tokyo Girls Collection 」擔任模特兒，而同場行騷的全是日本人氣名模，如土屋安娜和山田優等，實行繼續狙擊Angelababy 。
同場面左左
日本爭地盤嘅Angelababy 同Kama ，終在本周二（24 日）一公開活動同場碰頭。兩位𡃁模原各據一方，後經公關拉攏才肯企埋一齊影相合照。記者要求兩人搭膊頭影相，最後Angelababy 唔介意先做主動，作狀攬下，但兩人眼神零交流，交戲5 秒，就火速彈開。
Angelababy 三月到Avex 旗下，位於東京的「Avex Artist Acadamey 」演藝學校受訓半年，且先做model ，繼而拍日劇及電影。
日本娛樂一哥Avex
Avex 是日本規模最大的娛樂公司，其下有唱片、電影及經理人部門。日本的頂級歌手，如濱崎步、安室奈美惠和大塚愛等，都是出自Avex 旗下。近年Avex 拓展海外市場，簽了不少華語歌手，包括唐禹哲和伍佰等，非常進取。
Janice Man 簽新公司做一姐
Angleababy 發展順利，而其𡃁模戰友Janice Man （文詠珊）亦將於5 月約滿Starz People 。近日除傳有老闆願出800 萬簽她5 年外，據知找她拍《愛．鬥大》及《愛情故事》的寰宇電影老闆林小明都曾找她傾過檔一事，不過已上位的Janice Man 因不想做寰宇一姐江若琳的師妹，分薄注意力，所以對林小明採拖字訣。
夠膽拖，原因Janice Man 仍有唔少後喺。有傳曾找她演出電影《內衣少女》的資深電影製作人兼男子組合「Shine 」經理人Amy Chin ，因與她合作後成為好友，又不時提點她，因而贏取Janice Man 信任。據知Amy 近日已打敗其他大公司，待Janice Man 約滿便將她羅致旗下，全力幫她在影壇發展，做公司一姐。對於將簽Janice Man 傳聞，Amy 在電話中回應：「作為電影監製，我係有興趣繼續搵Janice Man 拍戲，但呢一刻我未簽佢。我只回應咁多，唔好意思。」說罷便匆匆收線。
本周二（24 日），Janice Man （左）與江若琳（右）一同出席電影首映，對簽新公司傳聞，她沒有斷言否認，「我同Amy 係熟，不過依家同公司（Star People ）合作得幾開心。（咁Amy Chin 有無機會簽你？）自己公司會係優先考慮，但都要睇番之後發展方向先再決定。」而江若琳則不作回應。
