財政司司長曾俊華昨日公布財政預算案，可是卻被不少藝人大彈新政策未能利民紓困。趙碩之批評當中差餉減得太少；而白韻琴更認為高官應該人工減半，以身作則！
財爺曾俊華昨日公布本年度財政預算案，除了大幅調高煙稅外，薪俸稅最多減六千元，並免收兩季差餉，其他有助民生的實質措施卻是欠奉，圈中不少藝人對這份預算案甚為失望，趙碩之說：「差餉減兩季太少喇！最好減夠一年啦！我原本想出年買樓，不過依家都要同屋企人再傾吓先，同埋我自己呢方面係初哥，都要請教吓有經驗嘅人先。」而白韻琴更斥高官應減人工：「我覺得啲高官如果月薪高過十萬，應該要減半，最唔happy 係啲高官淨係識話盡晒力，其實乜都唔識。」
袁彌明嫌退稅少
向來不平則鳴的袁彌明也狂插加煙稅多餘：「退稅每人最多6,000 蚊太少，同埋喺煙稅度攞錢唔係咁好，會助長走私煙。另外依家最嚴重嘅問題係失業，政府雖然話會創造職位，但要有實際計劃先得，唔好虛無飄渺咁！」已為人父的吳家樂則說：「我覺得呢個預算案未必個個層面都可以受惠，絕對唔夠直接，好似搵90 萬年薪先話減6,000 蚊稅，搵得咁多，都唔志在啦！我自己有小朋友，就知道香港讀書真係好貴，書簿又冇津貼，財爺可以諗多步。」文：專案組
如果您喜歡這篇文章，請按「讚」或分享給您的朋友，以示鼓勵。
