被譽為日本次文化天堂嘅東京秋葉原，不但係電子產品嘅集中地，更係動漫電玩及Hobby 迷嘅購物天堂。除咗購物之外，其實當地仲有好多形形色色嘅私竇，好似咖啡店、網吧等。據講，喺呢類私竇工作嘅少女，唔少都曾遇過一啲鍾意毛手毛腳嘅賤男，有少女更形容私竇已成鹹豬手重災區。
重災區一按摩店：被胸襲嚇破膽
據了解，喺秋葉原有唔少提供按摩服務嘅上樓按摩店，形式上有別於大家喺香港或內地玩嘅骨場。喺秋葉原嘅上樓按摩店，內裏並冇浴池，亦冇浴室，只係放置咗幾張軟墊喺地上，並以布簾分隔每個區域。大多數按摩店都會提供踩背、採耳嘅服務，為咗令客人玩得更過癮，少女仲會應客人要求，換上唔同嘅服飾，例如護士、女僕、校服等，大玩制服誘惑。
由於佢哋都需要跟客人有身體接觸，所以畀人鹹豬手嘅機會最高。當中十八歲嘅小池美子表示，喺按摩店工作三個月，已遇過四次畀人鹹豬手嘅經歷。
「幫客人踩背還好，事關對方背住我，至多都係畀佢偷睇內褲，冇機會出手。不過，採耳服務就麻煩得多，事關客人會將頭部墊喺我大髀之上，有啲心懷不軌嘅男人就會乘機對我哋毛手毛腳，摸大髀都事小，最離譜嘅一次就係畀個衰人胸襲，嚇到我當堂大叫起嚟，而呢個男人竟然話唔小心，真係諗起都嬲呀！」美子仲話，以後遇上畀人鹹豬手，就會即時借尿遁，暫時避開吓，又或者叫一啲老經驗嘅姊妹幫手。
重災區二網吧 ：無品男欺弱女
講到第二個鹹豬手重災區，莫過於平時有好多年輕人光顧嘅網吧。網吧通常畀人一種烏煙瘴氣嘅感覺，但秋葉原嘅網吧就唔同喇！不但裝修企理，仲好有住家feel 添！唔少網吧更混合漫畫咖啡室嘅元素，所以好多人行到
哋，都會走上去呢類樓上網吧歇一歇。此外，有部分網吧提供靚女陪上網服務，抵受唔住誘惑嘅人士，難免會出現鹹豬手事件。
好似喺千代田區一間上樓網吧工作嘅櫻井真奈美，就曾被人鹹豬手。佢話：「好多客人上到嚟玩
陣，都會要求我哋一班靚女陪上網，對於客人嘅要求，我哋當然無任歡迎啦！不過，並唔係所有客人都咁有品，有啲鹹濕佬趁我哋坐喺身邊時，會乘機挨埋嚟，摸手又掃背。雖然感覺唔係咁好，但對方始終係客人，係我哋嘅米飯班主，所以，我哋遇上呢種情況時，一般只會啞忍。」
但有啲客人真係非常過分，以為靚女唔出聲就可以為所欲為。真奈美續話：「好似早排有個男人，畀佢掃背都算，見我冇乜反應，佢竟然一直摸到落去，最後隻手仲停留喺我嘅臀部，正常嘅女仔被非禮都會大聲嗌，但由於在場仲有好多客人，為咗唔想嚇親大家，於是我立即起身，扮作去拎飲品，避吓風頭。」真奈美又話，如果佢當時即場告發呢個男人嘅話，的確可以為自己出番啖氣，但就可能冇咗份工，所以佢哋就算畀人鹹豬手，除非預咗唔撈，否則都唔會出聲投訴。
重災區三酒吧：遇醉客要執生
俗語話：「醉後會亂性。」呢句說話的確冇錯，事關喺秋葉原嘅酒吧經常發生借醉行兇嘅賤男。好似開設於千代區竹內大廈內嘅一間酒吧，由酒保到侍應生都係女仔。亦因為呢個賣點，所以吸引唔少男士幫襯。
喺酒吧工作咗半年多嘅葉月下優表示，曾遇過多次客人醉酒鬧事，幸好最後都有人見義勇為，出手幫忙。佢話：「當初嚟酒吧打工時，都預咗有啲人會借醉對我哋一班女仔毛手毛腳，老實講，只要唔係太過分嘅話，我並唔太介意，除咗有一次，有個男人竟對我做出極之過分
行為。話說有晚開夜班，由於場內客人唔算太多，所以店長就叫兩個女仔早啲收工，只係得番我同酒保兩個人，呢個時候，有個男人單獨坐喺吧頭飲酒，見佢不停咁飲，仲要杯杯清，相信佢應該好唔開心，我一時好心上前慰問一番，點知傾唔夠兩句，呢個男人就攬住我，仲強吻我，
一刻我真係整個呆咗，唔知點樣反應，隔咗半分鐘先識驚，於是我立即將佢推開，酒保見狀亦出手阻止，但單憑我哋兩個女仔嘅力氣，根本阻止唔到佢，幸好當時有幾個客人見義勇為，合力將佢制服，然後送官究治。」呢次恐怖嘅經歷之後，下優家吓學識咗一件事，就係要同客人保持距離，遇上酒醉嘅客人就更加要遠離三呎，免得賤男有機可乘。
後記：少女乘機兼職
喺秋葉原私竇打工嘅人，大多數都係十八、九歲嘅妙齡少女，位位年輕貌美，加上早熟嘅身材，令佢哋經常成為鹹濕佬嘅目標。不過，有部分女仔竟毫不介意之餘，反而當成兼職，乘機向對方開價，然後就到附近嘅時鐘酒店作不道德交易，即大家經常聽見嘅援交妹。不過，奉勸大家去到當地咪亂食嘢，始終人生路不熟，安全成疑。
