25/02/2009
被喻為「(o 靚)界女神」的Angelababy 和Kama 由香港鬥到日本，盛傳Kama 搶攻日本市場與Angelababy 爭飯碗，昨日兩人首度碰頭即「攬腰搭膊」示好拍照，合照完畢Angelababy 卻速閃離開。
Angelababy （楊穎）和Kama （羅凱珊）昨日出席頒獎禮活動，因有指日本avex 公司有意簽兩人成為濱崎步師妹，而Kama 搶灘機會比Angelababy 為高，現兩人同場碰面，傳媒即要求兩人合照，Angelababy 即主動搭膊頭，Kama 亦不甘示弱大晒友誼之手給Angelababy 抱腰，不過，兩人合照數秒便分開，當有記者再要求「相擁」合照時，Angelababy 已轉身走人。
唔擔心有競爭
對有傳Kama 有機做濱崎步師妹，Angelababy 說：「如果係真就恭喜佢！（咁咪多咗人同你爭工作？）咁個個都可以去日本工作，多啲女仔去係好事，證明香港女仔質素好。（擔心有競爭？）呢啲日本同香港情況都一樣，我唔會擔心。」而Angelababy 承認與Kama 不認識，在工作上見過一次，因大家都趕著工作沒有傾偈，強調並非不和。
見面不會尷尬
至於問到Kama 為何不再攬Angelababy 拍照？Kama 即言：「我怕佢唔鍾意。（驚佢推開你？）唔係，只係我哋唔熟
。」講到去日本爭Angelababy 飯碗，Kama 謂：「大家工作嘅嘢唔一樣。（見面有冇尷尬？）唔會嘅，大家各有各做。」而Kama 對做濱崎步師妹一事，稱只是初步接觸，仍未落實，她又大讚Angelababy 身材好，自己都想好似佢咁瘦！
另外，諸葛梓岐和陳法拉分別與Neway 兩位太子爺拍拖，有指陳法拉不屑諸葛梓岐向傳媒放料，同場的諸葛梓岐則言不是事實不回應，亦不認識陳法拉。
文：音樂組
Kama 攬實Angelababy 纖腰示好，而合照拍完，Angelababy 即刻閃人。
新一代女模Kama （右起）、周秀娜、唐素琪齊齊出席頒獎禮活動。
