青蕉勁舞之下露出「缽仔糕」，仍懵然不知。
《耳分高下》推出以嚟，雖然口碑麻麻，但收視企硬28 點。梗係，唔睇哈林，都睇吓班惹火天使嘛，8 個女仔全部擺明戰鬥格，唔「惹火」就假咯。媽咪姐聽班幕後工作人員爆料，話8 個女仔已經分黨分派。
之後喺工作人員口中得知露餡，佢立即撻喺，淚水長流（左下圖）。仲要返回化妝間「平伏心情」喎。
雖然近在咫尺，但冇個天使肯埋身同藍莓（右）合照。
青蕉（左二）、檸檬（右一）明顯埋柑桔（右二）堆。波蘿被冷落，全程藐嘴。
波蘿、藍莓離群上周四（12 日），媽咪姐入TVB 睇《耳》錄影。擁有36D 魔鬼身材嘅柑桔，節目剛出街佢已經跑出，依家儼然大家姐咁款，當晚雖然不時包雲吞，但青蕉同檸檬就對佢不離不棄，十足兩大護法。反而同樣大胸嘅波蘿就全程嘴藐藐，明顯唔妥對方。
另一鋒頭躉藍莓，當日一早化好妝，同記者影相做訪問，其間記者叫其他女仔一齊影相，但個個就當借咗聾耳陳對耳，齊齊用背脊「得」住藍莓。
青蕉再入廠時，監製錢國偉立即上前呵番，青蕉笑晒。
青蕉出招到上周五（13 日）錄影時，青蕉忽然出招，跳吓跳吓露出缽仔糕之餘，跟住就當場落淚，純情到呢……轉頭咪又笑騎騎！出位成功嘛。計媽咪姐話，無線如果將呢啲幕後花絮播埋出嚟，收視肯定更加爆燈。
