和民嚟緊會請40 人，當中以店務員為主，只需中三學歷唔使經驗就有機會應徵啦！
雖然好多公司話炒人要裁員，但呢輪嘅招聘消息冇少到，事關淡市最渴人才嘅，一定係中低價食肆，喺香港有十幾間分店嘅和民，喺2 月26 日聯同勞工處搞大型招聘日，會請廚務助理、全職店務員、清潔洗碗員等職位約100 人，其中對店務員嘅需求最多。和民發言人Candice 同發錢韓講：「店務員人工有$7,000 或以上，另有膳食供應同夜班津貼，主要喺銅鑼灣、沙田及太古返工，每週工作6 日，需輪班，中三學歷唔使經驗已經有機會做。店務員表現良好嘅話，有機會升做『導師』帶領及協助新同事，人工超過$8,000 。」
Candice 畀埋貼士見工者，因幾份工都需要面對客人，見工除咗態度親切有禮貌之外，最好表現出自己對日本文化好有興趣，如果講到點解鍾意日本料理，或者日本料理嘅基本常識就更好。如果錯過咗26 日嘅招聘，都可以上網click 去
http://www.watami.com.hk/tc/recruit01.html，和民一有空缺，都會登喺網址度，填好表格之後就等電話安排見工。想見工嘅朋友就要快嘅刨熟日式料理常識啦！
和民招聘日時間：2 月26 日（星期四）2pm 至4:30pm
地點：觀塘鯉魚門道12 號東九龍政府合署5 字樓
查詢電話：2172 4745
