李珊珊前晚蒲吧懷疑遭圈中人唔熟唔食，偷走內藏八百段敏感短訊及數百張絕密照片的手提電話，由於內容牽連甚廣，為確保資料不會外洩，珊珊已即時報警及諮詢法律意見，務求將一場隨時波及大半個娛樂圈的大風暴防患於未然。
珊珊前晚與陶大宇及郭政鴻接受完某雜誌專訪後，與友人轉到洪天明有份投資、位於銅鑼灣的夜店Hive 繼續消遣，本來此行目的是為深圳必瘦站慶功，不料卻令珊珊慶上加
。
憤怒拍
傷手
珊珊昨日憶述手機失竊時仍餘怒未消：「我大約凌晨一點鐘去到，見到全場都係朋友，個個都識，咪逐
埋去傾兩句打招呼。我習慣去到邊都拎住個電話，點知大約三點，我行到去水吧，發現個電話不翼而飛，當時我好嬲，咁熟連電話都撻？我拍
大嗌，拍到隻手損咗流血都唔知，全場望住我。我啲朋友即刻打我手機，發覺電話仲通，不過因為我校咗震機，所以冇辦法聽得出喺邊度，既然冇人肯攞番個電話出嚟，最後我決定報警。」
珊珊坦言緊張手機失竊，因為內藏不少敏感短訊及絕密照片，她說：「警察嚟到落口供，攞走閉路電視錄影帶去查，我唔係心痛部機嘅價錢，而係裹頭啲相同短訊。（情慾短訊？）啲短訊內容好私人，相就多數影朋友，雖然唔係冇著衫，但都不便公開。當時我即刻諮詢律師意見，佢話報咗警，手機內容若果被公開，就等同賊贓，係刑事，佢叫我唔好咁擔心。今次都算自食其果，諗住自己又唔係特工，使乜咁鬼祟？所以冇刪除啲短訊，等得閒可以攞番出嚟回味，終於出事。」
洪天明不知情
洪天明對於珊珊在他所開的夜店遺失手機，他昨日回應：「我唔知呢件事，我當時唔在場，我雖然係老闆之一，但好少過問公司啲嘢，因為有專人負責，但我都會打畀珊珊問候佢傷勢。（對公司員工有冇信心？）應該冇問題。」
文：影視組
李珊珊前晚到酒吧消遣遺失手機，他擔心手機內的資料外洩所以報警。 （資料圖片）
珊珊遺失手機後，曾憤怒拍
，更弄傷了手。
洪天明坦言不知珊珊在他的酒吧中遺失手機。
洪天明有份投資的酒吧位於銅鑼灣。
