新一年相信對於周麗淇（Niki ）來說，意義重大。過去的08年在Niki 身邊發生很多事，傷害性最大應該是緋聞男友鄭嘉穎被指暗交佘詩曼而與Niki 分手，加上家中愛犬逝世，令她整年在傷心中度過。不過，經一事長一智，她決心在事業上重新起步，並強調09年要去舊迎新，期待新戀情來臨。 撰文：王連連
周麗淇由模特兒界跳入娛樂圈，憑著清新外形，入行七年均以歌影視三棲發展，事業一直一級級上，算是順風順水。拍劇結識了鄭嘉穎，兩人三度合作，合演情侶越來越有默契，拍拖緋聞傳了5年，當外人以為他們感情穩定之際，男方卻被指暗交新歡，夜訪佘詩曼香閨。有指Niki 直至報道出街，才驚覺被騙足一年，更指她生氣得揮慧劍斬情絲，怒飛鄭嘉穎。未知是否情傷令整個人也長大了，Niki 最近的形象突然變成熟，其新碟命名為《Redefine 》，造型經過悉心打扮，由頭髮和化妝來個大突破，寓意她跌倒後積極重新做人。髮型變成中間分界，像寓意與人劃清界線，一雙smoky eyes 看起來更堅強，看來像刻意抹掉過去。
匿家做宅女
日前周麗淇接受訪問，對此淡然一笑說：「關於報道嘅事，真係已經無可奉告。08年發生太多事喇，雖然有好多開心嘅新聞，都有好唔開心嘅，其實唔開心嘅事，我好想快啲忘記。忘記咗，要有個新開始。」到最近又傳出鄭嘉穎翻撻Niki ，她聽到這個傳聞只說：「踏入牛年，新一年好想有新開始，所以要跟隨習俗，我要送舊迎新。」看來她事事求新，相信鄭嘉穎好夢難圓。新的一年，Niki 也寄望有新戀情降臨，她說：「好多人都希望拍拖，人一定要有愛情滋潤，返到屋企我都想有人同我傾吓偈，又可以呵護我，但呢啲唔急得，要等機會。」她自言很難找到對象，她說：「因為工作關係，加上我性格唔主動，識男朋友機會唔大，我可以全日喺屋企唔出街，如果冇嘢做，平時簡簡單單睇吓電視坐足一日都唔覺悶，好多朋友都話我要出去結識多啲新朋友，我都認同嘅。」
周麗淇和鄭嘉穎的戀情被指因佘詩曼（小圖）的介入而結束。 資料圖片
渴望愛情的周麗淇期待新戀情來臨，不過她堅拒花心男靠近。
拒絕花心男
周汶錡（左）跟周麗淇姊妹情深，多次暗寸佘詩曼，句句有骨。 資料圖片
未來日子，Niki 期望不再遇上花心男，她說：「個個人都唔鍾意個情人花心啦，我都唔鍾意，專一係好重要，有冇錢、靚唔靚仔真係唔再重要，首要條件係一心一意對我。個人要認真，唔係話一拍拖就傾結婚，但唔可以玩玩吓，欺騙感情。將來搵個合適對象，我都希望佢從一而終，好多個情人就唔得。」除了感情變化外，伴隨Niki 多年的愛犬也離世，她說：「呢兩年變化太大，我都覺得自己長大咗。」
唱情歌更深刻
在新碟中，周麗淇以嶄新形象上陣，令人耳目一新。 資料圖片
周麗淇準備今年全情投入工作，談到大計時說：「我入咗行好多年，想有新嘢畀大家睇，所以我今年有好多新目標，搵新嘅方向，嘗試好多新嘢。第一炮我會再出碟，因為歌唱事業停咗兩年，再出碟要有新元素嘅歌畀樂迷聽。今次都係情歌，但唔同以前，以前少女情懷多啲，sweet 啲。人經歷多咗，歌曲內容層次會深啲，情感又會深入啲。」
專心做一件事
周麗淇出道以來算是順風順水，05年更曾奪無線飛躍進步女藝員。 資料圖片
做人難，做藝人更難，要成為公眾人物，讓別人接受和認同自己，談何容易。Niki 還要三棲發展，她對此說：「係好難㗎，我要令人哋覺得我做得好有誠意，以前拍緊戲，可能要拍廣告，仲要去錄歌，真係唔可以一次過分身。而家我想每次專心一意做好一件事，例如拍緊劇，我盡量要求唔好同一段時間錄歌，錄歌期就專注錄好先去拍戲，用盡所有時間做好一件事。」
周麗淇表示08年發生太多不如意的事，今年她會收拾心情，重新上路。攝影：陳慧安髮型：Debby Kwan of HAIR服裝：MM6of I.T場地：香港黏土藝術學校（銅鑼灣）
http://appledaily.atnext. ... art_id=12250252
