一向低調的林憶蓮前晚現身腕錶店開幕活動，她透露農曆年到澳洲墨爾本開個唱，遇上高溫熱浪，不過現實生活中仍未有新的愛火花，情人節只是一個人度過。另一邊廂，胡敏珊則紅粉緋緋透露與男友龐維仁在台灣過情人節，但就強調刻下仍未有結婚念頭。
鐘錶界美女胡敏珊（Christie ）近年積極開發新腕錶品牌，前晚在中環ifc 開設Charmonde 腕錶店，邀請好友如林憶蓮、楊其龍和雲何婉薇等出席開幕活動，Christie 更邀請了篤信的寧波車到場為她祈福。
胡敏珊近月與男友龐維仁拍拖甜蜜，加上又開新店，情場事業皆得意。
胡敏珊一向篤信寧波車，更邀得對方出席新店開幕祈福。
情人節誇張
甚少出席公開場合的憶蓮，透露近況說：「之前農曆年去咗澳洲墨爾本，做咗兩場演唱會，喺過邊遇到熱浪，酒店停晒電，要企晒喺街，我去過時成37度，未去到最高峯嘅43度，停電搞到冇地方食嘢，我仲有去睇網球。」記者問她情人節有甚麼節目，她說：「喺香港過，都冇乜特別，唔覺得要慶祝，覺得情人節太誇張，唔一定要喺情人節先慶祝。」記者再追問她現在有否拍拖，她未有正面回答，只放下一句：「Thank you 。」
胡敏珊拒婚
胡敏珊開店，好友如黃家諾到賀。
此外，作為新店老闆娘的Christie 一面風騷，她表示十分欣賞憶蓮，她說：「佢把聲好靚，佢喺澳洲個演唱會我都有去。」記者笑言是否與男友龐維仁一起拍拖去，她沒有否認說：「一班朋友去，去睇袋鼠、企鵝，餵雀仔時仲俾雀仔抓損晒。」記者問Christie 情人節如何慶祝，她笑笑口說：「之前去咗台灣。」是否與男友一起去？她說：「係有好多對男女。」有否結婚計劃？她說：「呢啲係一剎那衝動，拍拖情到濃時咪有衝動想結婚，自己未有一個令我想結婚嘅人。」採訪：Law Wai Man攝影：Matthew Lam
林憶蓮回復單身後，感情生活未有著落。
http://appledaily.atnext. ... art_id=12229956
