嚫界女神Angelababy （楊穎），昨日穿小背心、短裙為代言的品牌踩單車做運動，更與男友陳偉霆（William ）情侶檔上陣，帶挈男友一齊搵錢，但男友情人節沒花、沒電話，難怪Angelababy 都開口呻。
下周20歲生日的Angelababy ，日前揚言要買千呎大屋，她昨日在中環為代言的Clarins 護膚品宣傳，Angelababy 與男友陳偉霆情侶檔搵錢，但初時分開出場，Angelababy 踩單車現身，William 就在後台做訪問，轉頭William 出場，Angelababy 就坐埋一邊，最後才一同上台影相，十分有默契。
「一齊做嘢好開心」
陳偉霆即場示範掌上壓兼做運動，相當賣力。
記者笑Angelababy 情侶檔cap 水，她即一頭霧水說：「乜叫cap 水？」知道意思後即哈哈笑說：「我一路係代言人，做咗半年，唔係帶挈佢，係客戶揀佢。」酬勞加碼？她說：「冇呀，都係一樣，公司安排啦，不過今日同識得嘅人一齊做嘢，真係好開心。」穿迷你短裙的她更謂前晚特別跑步一小時及做gym ，美化腿部肌肉。
William 懶理投訴
Angelababy 及男友陳偉霆情侶檔上陣，更有望成為情侶代言人。
問情人節是否與William 一齊過？Angelababy 即呻：「我去咗日本做嘢，工作人員有送朱古力畀我，但佢一支花都冇送，電話都冇個。」William 興奮透露品牌正洽談他做代言人，他大賣口乖說：「Aaron （郭富城）都係Clarins 代言人，佢係我偶像，我做邊條line 都OK 。」對於Angelababy 呻沒花沒電話過情人節，他即懶理說：「之前都講過啦，我喺大陸工作。」採訪、攝影：Law Wai Man
Angelababy 為了昨日的活動，前晚專程跑步、做gym 。
http://appledaily.atnext. ... art_id=12223045
